कोंकणी भाषा प्रचार सभेचे आभिमुख्यार उत्कृष्ट कोंकणी साहित्यकृतीं खातीर आसिलें “एन.एम.सरस्वती बाय पुरस्कार”, कोंकणी भाषा भवनांतु घडोंवचे सम्मेळनांतु वितरण केलें.
एक प्रार्थनेन बसकेची सुरवात जाली. कोंकणी भाषा प्रचार सभेचो संयुक्त सचिव पी. सुरेष पै येवकार सांगलें. कॅनरा बँकांतसून निवृत्त डी.जी.एम जी. सन्नकुमार प्रभु बसकेच्या उक्तावण करून सभागृहाचे नांव अनावरण केलें. १९६६ वर्सा स्थापन जाल्ल्या कोंकणी भाशा प्रचार सभेच्या हिऱ्या महोत्सवाक संबंदीत कार्यावळींत निवृत्त न्यायाधीश आनी कोंकणी भाषा प्रचार सभेचो अध्यक्ष मनोहर एस. किणी सम्मेळनाचे अध्यक्ष आसले. तिरुवनन्तपुरम दूरदर्शन केन्द्राचो सह संचालक डॉ. पी. आर. हरीन्द्र शर्मा मुखेल सोयर आशिल्ले.
कोंकणी शिक्षक विद्यालयाची प्राचार्य राणी रामकृष्ण किणी हाणी सम्पदा विष्णु सवासे हांका “एन.एम.सरस्वती बाय पुरस्कार” भेंटेयली. “अमुल्य देण” ह्या पुस्तका खातीर हो पुरस्कार दिल्लो. ह्या पुरस्कारांत २५ हजार रुपया आनी प्रशस्तीपत्र आसता.
त्या उपरांत, पद्मश्री एन. पुरुषोत्तम मल्ल्या हाणी बरेयल्लो “कोच्चि केरळेश्वर शिवक्षेत्र चरित्र” लघु पुस्तकाचे प्रकाशन नामनेचो कोंकणी साहित्यकार आनी केंद्र साहित्य अकादेमी पुरस्कार विजेता शरतचन्द्र शेणाय केलें.
निवृत्त मुख्याध्यापक आनी कोंकणी केन्द्र गोश्रीपुर संस्थेचो अध्यक्ष जी. मोहन शेणाय हाणी आशंसा दिली. कोंकणी भाषा प्रचार सभेचे कोषाध्यक्ष मनोहर आर शेणाय हाणी आभार व्यक्त केले. सभाकार्यक्रमानन्तर भुरर्यांगेलीं सांस्कृतिक कार्यावळ आसली.
