– आर.एस.भास्कर
मलयाळम साहित्यांत परजळीत राविल्ली जोत काल सोंपली. भारतीय साहित्यांत महाकाय म्हूण वावरून आशिल्ले एम.टी.वासुदेवन नायर सोडून गेल्लो ही खबर आयकून मन दुखले.
ते कोंकणीचे लागीचे मित्र बी आशिल्ले.
साबार पावट म्हाका एम टी कडेन भेट जाल्या. पयलें म्हळ्यार, 1996 ह्या वर्सा कोचींत जाल्ले अखिल भारतीय कोंकणी अधिवेशनाचे मूखेल सोयरे ह्या नात्यान ते पावलें. दुसरे पावट 2004 ह्या वर्सा केन्ना हांव साहित्य अकादमीचो अनुवाद पुरस्कार घेवपाक दिल्लींत गेल्लो तेन्ना.
केरळांत तुंजन परंबु हांगा जाल्या ‘दक्षिण भारतीय काव्योत्सवांत’ कोंकणीचो प्रतिनिधी म्होण हांवें वांटो घेतिल्ले वेळार तिसरें पावट हांका मेळ्ळो. तीनय पावटी हांचें कडेन रोखडेच उलोवंक संद मेळ्ळा. आनी ह्या म्हान साहित्यिकाची हेर भाशिकांकडेची ओड समजावपाक शाक्य जाला.
हांगेल्यो दोन कादंबऱ्यों ‘नालुकेट्टु’ चवकी ह्या नांवान आनी ‘कालम’ कालम ह्या नांवान कोंकणीत के.गोकुलदास प्रभु हांच्या वात्तीन भाषांतर जाल्याय.
सांदा उजू वाटेन चल्लील्या ह्या साहित्यीकाच्या आत्म्याक शांती पावं ही विनम्र मागणी.
