एरणाकुळ :
केरळ सरकार संस्कृती खात्या खाल स्थापीत कोंकणी साहित्य अकादमी केरळ संस्थेचे वातीन साहित्यीक कार्यावळ आयोजीत केल्या.
28 तारिखेक सकाळी १० वरार एरणाकुळम जी.एस.एस.एस. कलामंदीरांत दूरदर्शन ट्रिवानड्रम केन्द्राचे असिस्टण्ड डयरक्टर डाॅ.पी.आर. हरीद्र शर्मा कार्यावळीचें उक्तावण करतलें. अकादमीचे अध्यक्ष तंबानूर गोविंद नायक हांगेल्या यजमानपणार घडोवपी कार्यावळींत एल.कृष्ण भट प्रार्थनागीत गायतलें आनी येवकार समितीचें निमंत्रक एन.के.प्रभाकर नायक येवकाराचीं उतरां उलैतलें.
ह्या वेळार जावपी पुस्तक प्रकाशनाचे अकादमी उपाध्यक्ष पी.एस.सच्चिदानंद नायक उक्तावण करतलें.
उपरांत अनुस्मरण सुवाळ्यांत कवी के.अनंत भट, एल.सुनीता बाय आनी सुशीला त्रिविक्रम भट हांचे विशीं डाॅ.पी.आर.हरीन्द्र शर्मा, साहित्यीक आर.एस.भास्कर आनी प्रो.शिवानंद भट हे उलैतलें.
उपरांत जावपी साहित्य कार्यक्रमांत लेखक डाॅ.शिवराज राव उलैतलें आनी प्रो.शिवानंद भट सूत्रसंचालक म्होण वावुरतलें.
अकादमीचें मेंबर सचीव श्रीलक्ष्मी एस.प्रभु उपकार मागतले.
जेवणा उपरांत जावपी कार्यावळींत बरोवप्यांक आपलें साहित्य सादर करपाक संद मेळतलें.
सांजे ६.३० वरार जावपी संस्कृती कार्यावळींत कोचीन कलाक्षेत्र ‘प्रत्यक्षदेवू’ हें नाटक सादर करतलें. पुराय कार्यावळींत सगटांनी वांटो घेवपाक जाय अशी आयोजकांनी मागणी केल्या.
