साहित्य कृतियो वाचप्यांकडेन पावपाक जाय तेन्ना भास पुषकळ जातली

एरणाकुळम: कोंकणींत आयज साबार साहित्यकार आसात आनी खूब साहित कृतियो जायत आसात पुण आमका वाचपी ऊणे देखून भाशेचे उदरगत पावना अशें केरळ ऊच न्यायालयाचे न्यायाधीश जस्टीस एन.नगरेश हांणी सांगले. केरळ राज्य संस्कृतीक खात्या खाला स्थापीत कोंकणी अकादमीचे वतीन एरणाकुळमांतल्या भारत होटल सभाघरांत आयोजीत केले

कोंकणी साहित्यीक कार्यावळींत राज्य व्यापक कोंकणी साक्षरताय आभियानाचे उक्तावण करून ते उलेयताले. कोंकणीचे प्रचाराराक आनी प्रगतीक खातीर सगटांनी एक मेळनु काम करपाक जाय. केरळांत कोंकणी उलोवपी गौड सारस्वत, वैश्य, कुणबी आनी हेर समाजां मेळताय. हांतु कुणबी लोक अंकड्यानी सबार आसात आनी तांची बोली गोंयच्या बोली कडेन साम्य आसून निजाची म्होण सांगपाक जाय अशींय नगरेश माम्मान परतून सांगले.

अकादमीचे अध्यक्ष तंबानूर गोविंद नायक हांणी कार्यावळीचे यजमानपण चलयलें. सिंडिकॅट बाॅकाचे आदले अध्यक्ष आनी मानेजींग डयरक्टर एन.कांताकुमार मुखेल सोयरे आशिल्ले.

अकादमीचे वतीन पळ्ळुरुती, पच्चाळम,एळमक्करा, कार्णाकोडम,तृपुण्णीतुरा आनी अण्डीकडवु अश्या विंगविंगड केंद्रांत चलयले कोंकणी साक्षरताय शिबीरांत वांटे घेतिल्ल्याक ह्या वेळार न्यायाधीश नगरेश हांचे हसतुकी मानपत्र भेटेयलें.

दनपारा 2 वारा सावन 4 वारा मेरेन भुरग्यां खातीर घडयले संस्कृतीक कार्यावळींत आनी सर्तींत सुमारा भायर भुरग्यांनी वांटो घेतलो. पुराय भुरग्यांक भेटवण वांटले.

साहित्यीक आर.एस.भास्कर, सी.एल.विजयन, ऑड.डी.जी.सुरेश,एम.एन.मदन शेणै, पी.एन.कृष्णन हांणीं आशंसा भाषण केल्ले.

सुर्वेक रक्षीता आर हांणे प्रार्थनागीत गायले. राधिका शेणै आनी वांगड्यांनी येवकार गीत गायले. अकादमीचे वांगडी सचीव डी.डी.नवीनकुमार हांणे येवकाराचे उलोवप केल्लें जाल्यार . ज्येष्ठ वांगडी एन.प्रभाकर नायक हांणे उपकार मानले.