एरणाकुळम:
केरळ सरकार संस्कृतीक खात्या खाला स्थापीत कोंकणी साहित्य अकादमी केरळचे वतीन एरणाकुळम लागसार पच्चाळम श्री काट्टुंगल दुर्गा भगवती देवस्थानाचे सभाघरांत कोंकणी साक्षरताय शिबीर घडयलें. साहित्यीक आर.एस.भास्कर हांणी कार्यावळीचे उक्तावण केल्ले.
देवस्थानाचे मुखेल अधिकारी के.आर.मोहनन हांगेल्या यजमानपणार जालें सुवाळ्यांत अकादमीचे वांगडी सचीव नवीनकुमार डी.डी. हांणें येवकाराची उतरां उलेयली.केरळ भर कोंकणी साक्षरताय शिबीर घडयतले अशी नवीनकुमार हांणी आपल्या उलोवपांत सांगलें.
एस.राधाकृष्णा किणी हांणें मुख्य भाषण केल्ले. के.एस.कृष्णकुमार, पी.एस.रामानंद राव, अकादमीचे वांगडी वी.सतीश भट, ए.पी.भानुप्रकाश, पी.बी.बालचद्रन आनी आशा अनिल कुमार हांणीं आशीर्वाजनाचें भाषण केल्ले.
