एरणाकुळम: कोंकणी साहित्य अकादमी केरळ संस्थेचे वतीन एरणाकुळम प्रबोधा सभाघरांत घडयलें साहित्यीक कार्यावळीचे ए.एच. जितीनदास, असिस्टंड डयरक्टर, जीएसटी कंम्मिषणरेट हांणी उक्तावण केल्ले. माजी राष्ट्रपती डाॅ.एपीजे अब्दुल कलाम हांचें वैचीक उताराचे कोकणी भाशांतर ‘भांगराचीं उतरां’ ह्या पुस्तकाचे ह्या वेळार प्रकाशन जालें. अकादमीचे वांगडी इ.एस.राकेष पै हांणी यजमानपण चलयले.
चेतन आचार्य, प्रसांत नायक आनी मंगलदास भट हे उपस्थित आशिल्ले. भांगराचीं उतरां हो पुस्तक डाॅ.लूईस हांणी केल्ले कोंकणी भाषांतर आसा.
उपरांत ‘केळीघडाव’ ह्या काव्य पुस्तकाचेर चर्चा जाली. प्रो.जी.मोहनराव हांणी पुस्तकाचेर उलोवप केल्ले. चङ्ङम्पुषा कृष्ण पिळ्ळा हांणी १९४२ ह्या वर्सा ‘वाष़ाकुला’ ह्या नावार मलयाळम भाशेंत बरयले हे विख्यात काव्य कवी आर.एस.भास्कर हांणी कोंकणींत अणकारला. ऑड.डी.जी सुरेश, पी.एन.कृष्णन,
के.आर.जयप्रकाश,माया पी.एस., हांणीं चर्चेंत वांटो घेवन उलेयले.
वी.आर.रामचंद्रन हांणी येवकिराची उतरां उलेयली जाल्यार अकादमीचे वांगडी सचीव डी.डी.नवीनकुमार हांणें उपकार मागलो.
उपरांत जाल्ले कविसंम्मेळनांत साबार कवीनीं वांटो घेवन कविता सादर केल्यो.
