मुंबई :
ज्येष्ठ साहित्यिक, नाटककार, रंगकर्मी आनी राष्ट्रीय पुरस्कार विजेते चित्रपट दिग्दर्शक रत्नाकर मतकरी हे आयतारा रातीं अंतरले. तांची पिराय 81 वर्सांची आशिल्ली. त्यांच्या मर्णान साहित्यविश्वांत शोकाकूळ वातावरण पसरलां. 1955 त ताणी ‘वेडी माणसं’ हे एकांकीके सावन लेखनाची श्रीगणेशा केल्ता. त्यावेळी ते फकत 16 वर्सांचे आशल्ले. ती एकांकीका मुंबई आकाशवाणी वयल्यान प्रसारीत जाल्ली.
फाटले कांय दीस तांकां थकास जाणवताली. ताका लागून तांकां मुबयच्या गोदरेज ऑश्पितालांत तपासणे खातीर व्हेल्ले. थंय तांची करोनाची चांचणी करपाक आयली. तेन्ना तांकां करोनाची लागण जाल्ल्याची म्हायती कळून आयिल्ली. ते उपरांत मुबयच्या सेव्हेन हिल्स ऑश्पितालांत तांकां हालयले. ते सुवातेर उपचारां मजगतीं ताणी निमाणचो स्वास घेतलो.
‘लोककथा 78’, ‘दुभंग’, ‘अश्वमेध’, ‘माझं काय चुकलं?’, ‘जावई माझा भला’, ‘चार दिवस प्रेमाचे’, ‘घर तिघांचं हवं’, ‘खोल खोल पाणी’, ‘इंदिरा’ आनी मतकरी हांचीं कांय हेर नाटकां प्रेक्षकांच्या मनात घर करून उरलीं. तशेंच ‘अलबत्या गलबत्या’ आनी ‘निम्मा, शिम्मा राक्षस’ ह्या लहान भुरग्यांच्या, तशेंच ‘आरण्यक’ ह्या नाटकांनी रंगभूमीचेर आपली छाप दवरली. गूढकथा हो कथाप्रकारय ताणी वाचकां मेरेन पावयलो. आतां मेरेन ताणी व्हडल्यां खातीर 70 जाल्यार ल्हान भुरग्यां खातीर 22 नाटकांचें लेखन केलां. ‘गहीरे पाणी’, ‘अश्वमेध’, ‘बेरीज वजाबाकी’ ह्यो मालिका आजूनय प्रेक्षकांच्या मनात रूतून उरल्यात. तांच्या ‘इन्वेस्टमेन्ट’ ह्या चलचित्राक सर्वोत्कृष्ट मराठी चलचित्राचो राष्ट्रीय पुरस्कारय मेळिल्लो.
