पणजी :
परराज्यांतल्या कामगारांक तांच्या गावांनी धाडपाची जी नेमावली केंद्र सरकारान काल जाहीर केल्या ते प्रमाण गोंय सरकारान प्रक्रिया सुरु केल्या. ग्रामीण विकास मंत्री मायकल लोबो हाणी आज हेबाबतींत सविस्तर म्हायतती दिली. लोबो हामी कांय सरपंचांक घेवन आज उत्तर गोवा जिल्हाधिकारी कार्यालयांत भेट दिली आनी कामगारांक धाडपाचे बाबतींत जिल्हाधिकारी आर मेनका हांचे कडेन भासाभास केली.
विद्यार्थी, कामगारांक घरा वचपाक जातलें; केंद्राचो निर्णय
केसीनो, होटेल, श्यक्स, वाटर स्पोर्ट्स आदी सुवातिंचेर काम करपी कामगार आपल्या गावांत वचपाक सोदतात तांकां तांच्या गावांनी धाडटले. तेखातीर सरकार बसीची सोय करतलें. मात ताचो खर्च त्या त्या कामगारांच्या मालकांनी वा थंयच्या सरकारान करचो अशी थारावणी केल्या. अशी म्हायती लोबो हाणी दिली. दरेके पंचायतीन आपल्या वाठारांतल्या कामगारांची वळेरी करची ज्याका लागून वसिची सोय करप बऱ्याक पडटलें. अशेंय लोबोंनी म्हणलें. कळंगुट मतदारसंघांत परराज्यांतले २५ हजार कामगार आशिल्ल्याचें लोबोंनी सांगलें.
गोंयचे जे नागरिक परराज्यांत आसात आनी ते गोंयां येवपाक सोदतात ताणी जिल्हाधिकारी कार्यालयांत ओनलाईन संपर्क सादचो. जाका लागून सरकार तांकां बेगीन हाडपाक शकतलें. अशी जाप लोबो हाणी एका प्रश्नाचेर उलयतना दिली.
