गोंय 

राष्ट्रीय पुरस्कार जैतिवंत फिल्म अॅडीटर वामन भोसले अंतरले

मुंबयः
गोंयचे राष्ट्रीय पुरस्कार जैतिवंत फिल्म अॅडीटर वामन भोसले संवसारीक अंतरले. ते 89 वर्सां पिरायेचे आशिल्ले. तांणी मुंबय निमाणो स्वास घेतलो.
वामन भोसले हांकां 1978त विनोद खन्ना आनी विद्या सिन्हा हांणी अभिनय केल्लें फिल्म ‘इन्कार’ फिल्मा खातीर उत्कृश्ठ संकलनाचो राष्ट्रीय पुरस्कार फावो जाल्लो. हें फिल्म राज एन सिप्पीन दिग्दर्शीत केल्लें. तशेंच 1992त प्रदर्शींत जाल्लें सौदागर फिल्मा खातीर तांकां त्या वर्साचो फिल्मफॅर पुरस्कार मेळिल्लो. ह्या फिल्मांत दिलीप कुमार, राजकुमार, मनिषा कोइराला आनी विवेक मिश्रान हांची मुख्य भुमिका आशिल्ली.
भोसले 1952त गोंयांतल्यान मुंबय गेल्ले. तांणी एडिटर डी एन पाईच्या मार्गदर्शनाखाला बॉम्बे टॉकीजांत एडिटिंगाची ट्रेनींग घेतिल्ली आनी उपरांत 12 वर्सां मेरेन फिल्मिस्तान स्टुडियोंत सहाय्यक एडीटर म्हणून काम केल्लें.
1967त राज खोसला दिग्दर्शीत दो रास्ते वरवीं भोसले हांकां पयलो व्हडो प्रोजेक्ट मेळ्ळो. त्या वेळार तांच्या कामाची खूब तोखणाय जाल्ली. उपरांत भोसले हांणी खोसला खेरीत गुलजार, सुभाष घई, शेखर कपूर, रवी टंडन, महेश भट्ट, राज सिप्पी, अनील गांगुली, सुनील दत्त, विक्रम भट्ट आनी के विश्वनाथ ह्या सारक्या प्रसिद्ध दिग्दर्शकां वांगडा काम केलें.
मेरा गांव मेरा देश, दो रास्ते, इन्कार, दोस्ताना, गुलाम, अग्निपथ, हिरो, कालीचरण, राम लखन आनी सौदागर अशीं साबार ब्लॉकब्लस्टर फिल्मांचें अॅडिटींग केलां.

Share

Related Articles

Leave a Reply

Your email address will not be published. Required fields are marked *

Back to top button
error: Kindly Dont Copy !!