मुंबय :
बॉलिवूड अभिनेतो सुशांत सिंह राजपूत हाणे मुंबयच्या बांद्रा हांगां आपूण रावतालो त्या घरांत गळ्याक फास घेवन आत्महत्या केल्या. हे आत्महत्येचें कारण आजून समजूंक येवं ना. ताची पिराय ३४ वर्सांची आशिल्ली. ल्हान पड्ड्या वयल्या मालीकांनी काम करीत ताणे करिअराक सुरवात केल्ली. २०१३त ‘काइ पो चे’ ह्या चलचित्रांतल्यान ताणें बॉलिवूडांत पावल घालें. ह्या सिनेमाक ताका फिल्मफेअरचो पुरस्कारय मेळिल्लो.
सुशांतान निरशेवणेंतल्यान आत्महत्या केली अशें म्णटात.मात आजीन तेविशींची अधिकृत म्हायती मेळूंक ना. ‘शुद्ध देसी रोमान्स’, ‘डिटेक्टिव्ह ब्योमकेश बक्षी’, ‘एम. एस. धोनी : द अनटोल्ड स्टोरी’, ‘केदारनाथ’, ‘छिछोरे’ हांचे सारकेल्या सिनेमांनी ताणे पेजाद भुमिका साकारल्यात. 
