गोंय 

माजी सभापती शेख हसन हरूण अंतरले

पणजे :
गोंयचे माजी सभापती शेख हसन हरूण हे बिरेस्तारा अंतरले.तांचेर ऑश्पितालांत उपचार सुरू आशिल्ले. तांची पिराय  84 वर्सांची आशिल्ली. गोंय विधानसभेंत पाविल्ले मुस्लीम समाजाचे एकमेव फुडारी म्हण तांकां वळखताले. कारण तांचे आदीं वा तांचे उपरांत  आतांम मेरेन मुस्लीम समाजांतल्यान एकूय आमदार जालो ना.
नावाजते वकील आशिल्ले हरुण हाणी काँग्रेसच्या तिकिटाचेर १९७७ त मुरगांवांतल्यान निवडणूक लढयली आनी ते आमदार जाले.ते उपरांत ते सातत्यान पाचवेळा आमदार जाले. १९८० ते ८४ काळांत ते कायदो आनी महसूलमंत्री आशिल्ले. तर १९८५-८९ काळांत कॅबिनेट मंत्री आशिल्ले. १९९१-९५ ह्या काळांत ते विधानसभेचे सभापती आशिल्ले. ते उपरांत ९९९-२००२ मजगतीं राज्याचे उद्देगमंत्री म्हणून ताणी काम सांबाळिल्लें..
काँग्रेसच्या तिकिटाचेर निवडून आयिल्ल्या हरूण हाणी विधानसभेंत स्वतंत्र प्रतिमा निर्माण केल्ली. उपरांतच्या काळांत काँग्रेस नेत्यांकडेन मतभेद जाल्ल्यान ताणी शेख हसन इंडियन नॅशनल काँग्रेस हो पक्ष काडले. कालांतरान ताणीं नीभारतीय जनता पार्टींत हो पक्ष विलिन केलो.

Share

Related Articles

Leave a Reply

Your email address will not be published. Required fields are marked *

Back to top button
error: Kindly Dont Copy !!