गोंय 
Trending

‘सरकारान सगल्यांचें फुकट वासिनीकरण करचें’

मडगांव :
गोंयांत 18 ते 44 वर्सां पिराये गटांतल्या सगल्या नागरिकांक सरकारान फुकट वासीन दिवचें. तशेंच खाजगी हॉस्पिटला कडल्यान वासिनीकरणाच्या नांवा खाला लोकांची अर्थीक लूट जावची ना हाचीय जतनाय घेवची अशी मागणी कुडटरीचे आमदार आलेक्स रेजिनाल्ड हांणी केल्या.
आमदार रेजिनाल्ड हांणी मुख्यमंत्री प्रमोद सावंत हांकां पत्र बरोवन वासिनीकरणा विशीं कळीत केलां. कोरोना महामारीच्या संकश्टांचेर मात करपाक आनी लोकांचे जीव वाटावपाक वासिनीकरण मोहिमेक गती दिवप गरजेची. राज्य सरकारान हाचे पयली समाजीक कर्तव्य भावनेंतल्यान राज्यांतल्या सगल्या नागरिकांक फुकट वासीन उपलब्ध करून दिवपाची हमी दिल्ली. हातूंत 18 ते 44 वर्सां पिराये गटांतल्या नागरिकांचोय आस्पाव आसा. मात सद्या राज्यांत वासिनां उपलब्ध नाशिल्ल्यान 18 ते 44 वर्सां पिराये गटांतल्या नागरिकांचें वासिनीकरण सुरू करूंक ना. सद्या राज्यांतल्या एका खाजगी हॉस्पिटलांत ह्या पिराये गटांतल्या नागरिकांक वासीन दिवपाची प्रक्रिया सुरू आसा. ह्या हॉस्पिटला कडल्यान वासिनाच्या मोलाचेर सर्व्हीस चार्ज आकारिल्ल्यान ह्या वासिनाचें मोल सर्वसामान्य लोकांक परवडपी ना. अशा प्रकारान वासिनीकरणाच्या नांवा खाला खाजगी हॉस्पिटलांनी नागरिकांची अर्थीक फटवणूक जावची ना हाची जतनाय सरकारान घेवपाक जाय अशी मागणी रेजिनाल्ड हांणी केल्या.

Share

Related Articles

Leave a Reply

Your email address will not be published. Required fields are marked *

Back to top button
error: Kindly Dont Copy !!