कोविड उपरांतच्या काळांत ऑनलाइन आनी तंत्रगिन्यानांत व्हडली भुमिका बजावपाचे आसात मात संस्था, शिक्षक आनी विद्यार्थ्यांचो आसपाव आसप गरजेचें आशिल्ल्याचें सांगत शिक्षणाचे संभाव्यतायेचो आनी तंत्रगिन्याना कडेन संबंधित वेवसायांचो सारांश बीएनआय गोंय विभागाच्या वेबिनारांत मांडलो.
सध्या आमची शिक्षण वेवस्था खूब बदलांतल्यान वता, तरी लेगीत फुडाराक हातूंत आनीकय जायते बदल जातले. जे विद्यार्थी तशेंच शिक्षकांकय नवे आसतले. हेविशीं अदीक म्हायती दिवपा खातीर बीएनआय गोंय विभागान शिक्षणीक मळा वयलो फुडार ह्या विशयाचेर वेबिनार आयोजित केल्ले. ह्या वेबिनारांत गोंयांतल्या विविध शिक्षण संस्थांच्या प्रतिनिधींनी भाग घेतिल्लो. कांय दिसांआदीं हेविशीं ताणीं मुख्यमंत्री प्रमोद सावंत हांचेकडेनय चर्चा केली.
देशांत पांचव्या लॉकडाऊनाची घोशणा
ऑनलाइन आनी ऑफलाइन शिक्षण सामग्रीच्या प्रमाणांत बदल, वेव्हारीक सत्रापुरतो मर्यादित संपर्क वर्ग आनी ऑनलाइन बाबींची प्रात्यक्षिक म्हायती दिवपी बाबींचो ह्या वेबिनारांत आसपाव आसलो. तांत्रिक बदलां खातीर तयार नाशिल्ल्या आर्थिक नदरेन दुर्बळ घटकांमदल्या विद्यार्थ्यां कडेन सगळ्यांचें लक्ष लागून उरलां. म्हणूनच, शाळा आनी सामुदायिक मुळाव्या सुविधांक प्राधान्य आनी घटसाण दिवपाचो विचार करपाचो मुद्दो मुखार हाडलो. सहानुभूतीची भावना आनी भावनिक जोड हांचे सारख्या गजालींक लागून कॅम्पस शिक्षण पुरायपणान थांबोवंक शकनात हेंवूय तितलेंच म्हत्वाचें आसा म्हणपाचें ह्यावेळार सांगलें. ह्यावेळार व्हिडीओ कॉन्फरन्सिंग अपग्रेडेशन, सिक्युरिटी सिस्टम नॉन-कॉन्टॅक्ट सेफ्टी इक्विपमेंट, मुद्रण आनी डिझाइन सेवा, नितळसाण, टिकाऊ संकल्पना, सॉफ्टवेअर विकास आनी खूब विशयांचेर ह्या उपक्रमाच्या माध्यमांतल्यान उजवाड घालो.
“ह्या वेबिनारच्या माध्यमावरवीं निपूण लोकांच्या उत्कृष्ट पॅनेलांतल्या सदस्यांनी आमकां सांगिल्ल्यो कल्पना आनी मतां जाणून आमकां खोस जाल्ल्याचें बीएनआय-गोंयचे कार्यकारी संचालक राजकुमार कामत हाणीं म्हणलें. चडानचड लोकां मेरेन ही म्हायती पावोवपाचे नदरेन ह्या वेबिनाराचें आमी फेसबुक वयल्यान हे वेबिनार थेट प्रक्षेपण केलें म्हणपाचें ताणीं सांगलें. जाल्यार, बीएनआय-गोंय सीनियर डीसी बिझनेस ग्रोथचे अरमान बंकले हाणी हाजीर आशिल्ल्यांचे उपकार मानले.
