देश विदेश

८९२३ कोटींच्या अनुदानातले गोंयाक कितले?

नवी दिल्ली :
देशांतली कोरोना धाम आडावपा खातीर केंद्राकडल्यान आयतारा  २५ राज्यां खातीर मोठो निधी जाहीर केला. केंद्रान २५ राज्यांतल्या  पंचायतींक ८९२३.८ कोटी रुपयांचे अनुदान दिलां. वित्त मंत्रालयान शेनवारा ही अनुदान रक्कम राज्य पंचायतीं खातीर जाहीर केली. हें अनुदान पंचायत, राज्यांतल्या तीन सथरां खातीर  – गांव, गट आनी  जिल्हो हांचे खातीर दिल्या. आयतारा वित्त मंत्रालयान ही अनुदानाची रक्कम जाहीर केल्ल्याची म्हायती दिली.
ही रक्कम २०२१-२२ ह्या वर्संतल्या जोड अनुदानाचो पयलो हप्तो आसा. हेर विकासकामां वांगडाच ग्रामीण थळाव्यो संस्था करोनाचो सामनो करपा खातीर हे रकमेचो वापर करतल्यो. हे अनुदानाचे रकमेक लागून पंचायतींच्या तीन थरांचेर करोनाक पराभूत करपा खातीर गरजेचीं आयिद्दां आनी संसाधनांत वाड जातली.मंत्रालयान वेगवेगळ्या राज्यां खातीर दिवपाक आयिल्ल्या अनुदान निधीची वळेरीय उजवाडाक हाडल्या.
मंत्रालयान उजवाडायिल्ल्या वळेरे प्रमाण अनुक्रमान उत्तर प्रदेशाक सगळ्यांत चड १४४१.६ कोटी रुपया मेळ्ळ्यात. महाराष्ट्राक ८६१.४ कोटी, बिहाराक ७४१.८ कोटी, पश्चिम बंगालाक ६५२.२ कोटी, मध्य प्रदेशाक ५८८.८ कोटी, राजस्थानाक ५७०.८ कोटी आनी तामिळनाडूक ५३३.२ कोटी, कर्नाटकाक ४७५.४ कोटी, गुजराताक ४७२.४ कोटी, हरियाणाक १८७ कोटी, झारखंडाक २४९.८ कोटी रुपयांचें अनुदान मेळ्ळां. जाल्यार गांयच्या वांट्याक ह्या अनुदानातल्यान एकय रुपया आयिल्लो ना.
राज्यांनक जोड अनुदानाचो पयलो हप्तो जून महिन्यात जाहीर जावपाचो आशिल्लो. पूण करोना धामीचे परिस्थितीची आनी पंचायती राज मंत्रालयाच्यो शिफारशी लक्षांत घेवन अर्थ मंत्रालयान या अनुदानाची रक्कम वेळेआदींच जाहीर केली.

Share

Related Articles

Leave a Reply

Your email address will not be published. Required fields are marked *

Back to top button
error: Kindly Dont Copy !!