गोंय 

राज्यांत बेगीनूच भोंवती लसीकरण मोहिम

पणजीः
हाथरूणार खमळून आशिल्ल्यांक कोविड प्रतिबंधात्मक लस दिवपा खातीर 15 दिसांनी भोंवती लसीकरण मोहिम राबयतले, अशी घोशणा मुख्यमंत्री डॉ. प्रमोद सावंत हाणी सोमाराक केली. येता त्या 10 दिसांत 45 वर्सा पिराये वयल्या सगळ्यांक लस दिवपाचें लक्ष्य मुख्यमंत्र्यांनी राज्यभरांतल्या पंच, नगरसेवक, जिल्हो पंचायत सदस्यां मुखार दवरलां हें राज्याच्या भाजप माध्यम विभागाचे समन्वयक संदेश साधले हाणी सांगलें.
राज्यभरांतल्या दोन हजार पंच, नगरसेवक आनी जिल्हो पंचायत सदस्यांलागीं मुख्यमंत्र्यांनी सोमारा व्हिडिओ कॉन्फरन्सच्या माध्यमांतल्यान संवाद साधलो. दरेका लोकप्रतिनिधीन दर दिसा 10 जणांक लसीकरणा खातीर व्हरचें हे खातीर मुख्यमंत्र्यांनी तांकां प्रोत्साहित केलें. मंगळारा सावन आजून 37 सुवातिंचेर लसीकरण केंद्रां सुरू करतले अशी म्हायती मुख्यमंत्र्यांनी ह्यावेळार दिली, अशेंय साधलेनी म्हणलें.
गावांतल्या मसंडभुंयेत कोविड दुयेंतिंच्या मेल्ल्या कुडिंचेर निमणे संस्कार करपाक दिवचे आनी तेखातीर लागपी पीपीई कीट भलायके अधिकारी दितले, अशेंय ताणी स्पश्ट केलें. ह्या वेळार कप्रतिनिधींच्या मागणे प्रमाण तांकां 45 वर्षं जावंक नासलीं तरी लस गेवपाक मेळची हेखातीर तांकां कोविड झुजारी म्हणून घोशीत करतले अशें मुख्यमंत्र्यांनी सांगलें. हे बसकेंत पंचायतमंत्री मॉविन गुदिन्हो वांटेकार जाले, अशी म्हायती साधलेनी दिली.

Share

Related Articles

Leave a Reply

Your email address will not be published. Required fields are marked *

Back to top button
error: Kindly Dont Copy !!