कला-साहित्य

गोंय राज्य

आयतारचीं कविता 

पुष्पा नायक

ब्रह्मांडांतलो सोबीत गिरो
आसा पृथ्वी
भारत देशाच्या वेगेंत हांसता
गोंयची धरतरी
ल्हारांच्या गाजान  सेगीत जागयता
समुद्र अरबी
तकलेक थंडसाणेन न्हाणयता
पर्वत सह्याद्री

घाटावयल्या  वनस्पतींची देण
उदका झरी
रुखांच्या मरजेन राखल्या
पावसाळी सत्रीज
सैमदेवीच्या कृपेन व्हांवतात
म्हादय, जुवारी
पाचव्याचार शालवांत सोबता
अस्मिताय गोंयची

लागणूक आमची सदांच आसा
गोंय सांबाळपाची
नितळ गोंय राखूंक उरची
चलणूक सगल्यांची
शिरंतरांनी ओढ घोळची
गोंय भुंयेची
सपूत घेवन जतन करुंया
राज्याची कांती!

 

Share

Related Articles

Leave a Reply

Your email address will not be published. Required fields are marked *

Back to top button
error: Kindly Dont Copy !!