भारतीय वैजकी संशोधन परिशदेन (ICMR) रोगप्रतिकार शक्ती वाडोवपाक तशांच विषाणूचो प्रभाव उणो करपा खातीर एचआयव्ही वयल्या वखदांच्या जाग्यार hydroxychloroquine (HCQ) वापरपाचें थारायलां. सुदारीत नेमावळींत हो बदल करपाक घेतला.
तेभायर कांगारा च्यांतली रसायनाय रोग आडावपी शक्त वाजोवपांत आनी कोरोना विषाणूचो प्रभाव उणो करपांत एचआयव्ही वयल्या वखदां परस अदीक प्रभावी आशिल्ल्याचें निरिक्षण संस्थेन नोंद केलां. Institute of Himalayan Bioresource Technology (IHBT) अर्थात हिमालयन जैवस्रोत तंत्रज्ञान संस्थेचे संचालक डॉ. संजय कुमार हाणी ही म्हायती दिली. पालमपूर, हिमाचल प्रदेश हांगा ही संस्था कार्यरत आसा. संजय कुमार हाणीं आंतरराष्ट्रीय च्या दिसा निमतीं आयोजित वेबिनारांत हें मत नोंदयलें.
‘हें’ मास्क लावन उलोवपाकय जातलें वेवस्थीत…
समाज आनी उद्देगा खातीरय कांगारा च्या कितलो फायद्याचो आसा, हाचेर ताणी आपल्या व्याख्यानात मंथन केलें. कांगारा च्यांत मनशाचे कुडीक लाभ जायीसारखे गूणधर्ण आसात. IHBT न तंत्रज्ञानाचो उपेग करुन कोविड-19 चेर मात करपा खातीर तें सिध्द केल्लें आसा, अशें कुमार हाणीं म्हणलें.
संगणकाधारीत तंत्रज्ञानाचो उपेग केलो तेन्ना शास्त्रज्ञांक हातूंत ’65 बायोॲक्टीव’ रसायनां वा ‘पॉलिफेनोल्स’ मेळ्ळीं. तांच्या संयोगान तें विशिष्ट विषाणूचेर अधिक प्रभावी ठरपाक शकता. सामक्या सद्या एचआयव्हीचेर बाजारांत उपलब्ध आसात त्या वखदां परसय. कारण सध्या एचआयव्ही चेर मान्यताप्राप्त वखदां कोविड-19 च्या दुयेंतिंचेर उपचारा खातीर वापरतात.
कांगारा च्यांतलीं रसायनां मनशाच्या कुडींतलीं प्रोटीनयुक्त विषाणूंक आडावंक शकतात, असो दावो डॉ. कुमार हाणीं केला.
IHBT, आनी constituent of Council of Scientific and Industrial Research (CSIR), हे अल्कोहलयुक्त हँड सॅनिटायझरचेंय उत्पादन तशेंच पुरवठो करतात. हातूंत च्याचो चोथो आनी निसर्गीक सुगंधित तेलाचो उपेग केला.
संस्थेन वखदी शाबूंचीय निर्मिती केल्या. हातूंत च्याचो चोथो, निसर्गीक वखदां आसात. खास म्हणल्यार sodium laureth sulphate, sodium dodecyl sulphate आनी क्षारयुक्त तेलाचो वापर केल्लो ना.
ह्या शाब्बांतय बुरशीआड, जीवाणूआड, नितळ निर्मळ आनी आर्द्रतायुक्त लाभदायक गुणधर्म आसात. हिमाचल प्रदेशांतल्यो दोन कंपन्यो हया शाब्बाचें उत्पादन आनी वितरण करतात.
कांगारा च्याची निर्मिती प्रक्रीया नामनेचे बैद्यनाथ फार्मास्युटिकल हे बखदां निर्माण कंपनीकडेन सोपयल्या. आतां तर च्या आनी च्या वाईनची उपलब्धता जावपाची सज्जता जाल्ली आसा. हें कांगारा च्या खातीर खूब म्हत्वाचें तशेंच क्रांतिकारक बदलाचें पावल ठरपाचें आशिल्ल्याचें डॉ. कुमार हाणीं सांगलें.
‘कॅटेचिन’ हें निसर्गिक आरोग्यवर्धक आसा. पेशींचें नुकसान टाळपआनी हेर जायते फायदे मेळोवन दिवप हेखातीर ताची वळख आसा. कांगारांतय तें भरपूर आसा.
ह्यावेळार च्या व्हिनेगर तंत्रज्ञान, धरमशाला हांगाचे कंपनीक हस्तांतरीत केलें. चहा व्हिनेगर तंत्रज्ञान मोठसाणीच्याआड आसा. ह्याच वांगडा आयुष मंत्रालयान शिफारस केल्लो हर्बल ग्रीन आनी ब्लॅक टी ह्या च्या प्रकाराचें ह्यावेळार लोकार्पण केलां. कोविड-19 आड झुजपा खातीर आनी रोगप्रतिकार शक्ती वाडोवपा खातीर हीं उत्पादनां खूबच लाभदायक ठरुपाक शकतलीं अशें IHBT च्या शास्त्रज्ञांनी म्हणलां.
