नवी दिल्ली :
देशभरांत लॉकडावन (lockdown) दोन सप्तकांनी वाडोवंपाची घोशणा केंद्र सरकारान केल्या. ह्या संदर्भात केंद्र सरकारान एक पत्रक काडलां. 3 मे दिसा लॉकडावनाचो दुसरो टप्पो पुराय जावपाचो आशिल्लो. ताचे आदींच परत एक फावट लॉकडावन वाडोवपाची घोशणा केंद्र सरकारान केल्या.
ह्या लॉकडावना मजगतीं रेड झोनांतल्या खंयच्याच भागांत (कॅन्टोन्मेंट झोनांत) ल़़ॉकडावन सदळ करचे नात अशें केंद्र सरकारान स्पश्ट केलां. कोरोना व्हायरसाच्या फांटभुंयेर सरकारान परत एक फावट लॉकडावनाचो काळ 17 मे मेरेन वाडोवपाची घोशणा केल्या.
सगळ्या राज्यांतल्या करोनाग्रस्तांची म्हायती आनी ताची समीक्षा केल्या उपरांतच हो निर्णय घेतला म्हणपाचें सरकाराकडसून सांगलां. करोना व्हायरसचे फाटभुंयेचेर पयले फावट लागू केल्ल्या लॉकडाउनाचो कालावधी 14 एप्रिलाक पुराय जाल्लो. ते उपरांत सगळ्या राज्यांच्या मुख्यमंत्र्यांलागीं व्हिडीओ कॉन्फरन्सिंगा वरवीं पंतप्रधान नरेंद्र मोदी हाणी संवाद साधलो. त्यावेळार सगळ्या राज्यांकडल्यान ताणी म्हायती घेतिल्ली. तशेंच जायत्या अनेक राज्यांच्या मुख्यमंत्र्यांनी लॉकडाउनाचो (lockdown) कालावधी वाडोवचो अशी विनवणीय केल्ली. तेउपरांत लॉकडाउनाच्या (lockdown) कालावधींत 3 मे मेरेन वाड केल्ली. आतां परतून एक फावट दोन सप्तकां खातीर लॉकडाउन वाडोवपाची घोशणा सरकारान केल्या.
गोंय जालें ग्रीन झोन; एकूय दुयेंती ना
दोन सप्तकां लागू आसतलो lockdown :
4 मे सावन फुडलीं दोन सप्तकां हो लॉकडाउन लागू आसतलो. ह्या काळात विमान आनी रेल्वे योरादारी सुरू करचेनात अशें केंद्र सरकारान स्पष्ट केलां. लॉकडाउनाचो पयलो टप्पा पुराय जातकूच पंतप्रधान नरेंद्र मोदी हाणी देशाक संबोधित करीत परतून एक फावट लॉकडाउनाचो कालावधी 3 मे मेरेन वाडयतले म्हणपाची घोशणा केल्ली. पूण आतां केंद्रीय गृहमंत्रालयान पत्रक काढून लॉकडाउनाचो कालावधी वाडयतले अशी घोशणा केली. मजगतीं, हो लॉकडाउन लागू करतना सरकारान ग्रीन आनी ऑरेंज झोनांत सशर्त सवलती दितले अशें म्हणलां. पूण रेड झोनांत (कॅन्टोन्मेंट झोनांत) कसलीच सवलत दिवचे नात अशें सरकाराचे वतीन स्पश्ट केलां. रेड झोन, ऑरेंज झोन आनी ग्रीन झोन्सा खातीर गृहमंत्रालयान कांय नव्यो गाईडलाइन्सही जारी केल्यात. ग्रीन झोन्सांत करोनाचो एकूय दुयेंती ना. वा 21 दिसांत करोनाचो एक नवो दुयेंती सापडूंक ना, अशा भागांचो आसपाव करपांत आयला. तशेंच ज्या जिल्ह्यांचो आसपाव रेड वा ग्रीन झोनांत आसचोना ते जिल्हे ऑरेंज झोनांत आसपावन घेतले अशें स्पश्ट केलां.
”त्या’ गोमंतकीय विद्यार्थ्यांना परत आणावे’
