गोंय 

टीका उत्सवाचो तिसरो पावंडो बेगीन जातलो सुरु

पणजी :

18 ते 44 पिरायेच्या नागरीकांक कोरोनाची लसीकरण दिवपाखतार टीका उत्सवाचो तीसरो पावंडो राज्यात सुरू करतले अशी म्हायती मुख्यमंत्री डॉ. प्रमोद सावंत हांणी बुधवारा मंत्रिमंडळाच्या बसके उपरांत घेतिल्लया पत्रकार परीषदेवेळार दिला. ह्यावेळार उपमुख्यमंत्री चंद्रकांत कवळेकार आनी भलायकी मंत्री विश्वजीत राणे हजर आशिल्ले. 2021 -2022 वर्साखातीरचो अर्थसंकल्प जुलै म्हयन्यात जाहिर करतले. ते दिशेन काम सुरू जाला अशी म्हायती मुख्यमंत्र्यान दिली.

गोवा दमण आणि दिव एग्रीकल्चर टेनेन्सी कायदो 1964 (7)अंर्तगत बंधारे बांधपाक ह्यानपयली सरकार 50 टक्के जाल्यार टेनन्ट 50 टक्के ह्या प्रमाण खर्च करतालो. आता हातून बदल केला. नव्या बदलाप्रमाण सरकार बांध बांधपाखातीर 90 टक्के खर्च करतलो.जाल्यार शेतकारांक फकत 10 टक्के खर्च करचो पडटलो अशी म्हायती मुख्यमंत्र्यान दिली. आयच्या मंत्रिमंडळाच्या बसकेत घेतिल्लया हेर निर्णयाची म्हायती मुख्यमंत्र्यान दिल्या.

पेडणेचो बस स्टॅण्डांचो ताबो कंदबा महामंडळाकडे दिवपाचो निर्णया जाला. तशेच कालापूर पंचायतीत एम.आर.एफ विधा उबारपाखातीर 4480 चौखण मीटर सुवार कालापूर पंचायतीक दिवपाचो निर्णय घेतला अशे मुख्यमंत्र्यान सांगले. राज्यात आसपी दवाखाने,तशेच नर्सिग होम, हॉस्पिटला आनी भलायकी क्षेत्राकडे निगडीत हेर आस्थापनांची नोंदणी गोवा भलायकी खात्याकडे करपाखातीर गोवा क्लुनिकट इस्टेब्लिशमेन्ट एक्ट 2021 खरपणान चालीक लावपाचो निर्णय लेगीत ह्या बसकेत जाला.

राज्य सरकारावतीन विद्यार्थ्यांक सरकारावतीन दितात त्या वेगवेगळ्या शिष्यावृत्ती येवजणेच्या खर्चाविषयी बसकेत भासाभास जाल्या. पणजे शारांत आशिल्लया सुलभ शौचालयाची दुरूस्तीचे काम सुलभ इंटरनॅशनलाक दिवपाचो निर्णय जाला.

काणकोणची पंचायतीच्या बिल्डीगेंचे नूतनीकरण करपाचो थाराव बसकेत मंजूर जाला. तशेच भौशिक बांधकाम खात्यान लागपी कामगारांक घेवपाचे मंजूरी दिल्या. ते शिवाय कोरोना महामारीच्य काळात भलायकी खात्यान लागपी कर्मचारी घेवपाचोय निर्णय जाला. हे शिवाय उजो पालोवपपी दळ, निज्ञान आणि तंत्रज्ञान खाते,गोवा एनर्जी डेव्हलपमेन्ट कोरपरेशन, तशेच हेर कायं खात्याक विविध वाठारात तांच्या गरजेप्रमाण सुवात दिवपाचो निर्णय जाला.

Share

Related Articles

Leave a Reply

Your email address will not be published. Required fields are marked *

Back to top button
error: Kindly Dont Copy !!