गोंय 

‘राज्याचो ऑक्सिजनचो प्रश्न रोकडोच सुटटलो’

पणजी :
राज्यांत कांय प्रमाणात ऑक्सिजनच्या पुरवठ्याचो प्रश्न आसलो तरी तो बेगीनूच सुटावो जातलो, ऑक्सिजनचो भरपूर साठो राज्यांत आसलो तरी दुयेंतीं म्रेरेन तो पावपाक कांय अडचणी येतात. ताचेर काम चालू आशिल्ल्यांची खात्री मुख्यमंत्री डॉ. प्रमोद सावंत हाणी दिली. मंगळारा मुख्यमंत्री प्रमोद सावंत हाणी बांबोळेच्या जीएमसी ऑश्पितालाक भेट दिली. यावेळार ताणी जीएमसींतल्या कोविड वॉर्डांत वचून दुयेंतिंची पळोवणा केली. तेचप्रमाण ताणी दुयेंतिं वांगडाच कोविड वॉर्डांतल्या नर्सी, दोतोर हांचे कडेन भासाभास केली. ते उपरांत ते पत्रकारांलागीं उलयतना ताणी ही म्हायती दिली.
कोविड वॉर्डांतल्यो समस्या कितें आसात, थंयची परिस्थिती कितें आसा, हाचो आढावो मुख्यमंत्र्यांनी घेतलो. दरेका दुयेंतीक बरे उपचार मेळटले अशें उतर ताणी ह्यावेळार दुयेंतींक दिलें. ऑक्सिजन सिलिंडर वॉर्डमेरेन पावोवपाक अडचणी येतातत. हाचे फाटभुंयेचेर मुख्यमंत्र्यांनी आढावो घेतला. भोवतेक हांव पयलोच असो मुख्यमंत्री आसन जो कोविड वॉर्डांत वचून थेट दुयेंतिंची भेट घेवन आयलां. ताका लागून टीका करतल्यांनी परिस्थितीची गंभीरताय समजून घेवची, असो इशारोय मुख्यमंत्र्यांनी दिलो. तेच प्रमाण जीं ऑश्पितालां डीडीएसएसव्हायची अंमलबजावणी करपाक टाळाटाळ करतात आहेत, त्यांच्या आड कागाळ दाखल करपाचें आवाहनही मुख्यमंत्र्यांनी केलें, ह्या ऑश्पितालांचेर कारवाय करतले असो विश्वास ताणीं दिलो.
ऑक्सिजनच्या पुरवठ्याबाबत जे सेवा पुयतात, तांचीय जापसालदारकी महत्त्वाची आसा. ताणी ह्यावेळार गरज समजून नव्या तंत्रज्ञाना प्रमाण सेवा पुरोवपाची गरज मुख्यमंत्र्यांनी उकतायवली. हायावेळार हात वयर काडून जापसालकी फाफुडटल्यांची हयगय करचेना अशेंय ताणी उलयतना शीटकायलें.

Share

Related Articles

Leave a Reply

Your email address will not be published. Required fields are marked *

Back to top button
error: Kindly Dont Copy !!