गोंय राजकीय

‘राज्यांत जाय जाता तितले बेगीन लॉकडाऊन’

पर्वरी :
राज्यांत कोरोनाचो उद्रेक दिसानदीस वाढतच आसा आनी राज्य सरकार मात हातार हात दवरून बिनधास्त सगळी अवतिकाय पळयता. ताका लागून राज्यांतली भलायकी वेवस्था हुमकळून पडल्या. सरकार जनतेचे जीव वाचोवपांत सातत्याने अपेशी थरलां. तेखातीर राज्यांतली कोरोनाची परिस्थिती सांभाळपाक सरकारान बेगीनूच निपूण नागरिक आनी सैन्य अधिकारांचो आसपाव आशिल्ल्या ‘टास्क फोर्स’ ची स्थापना करून तांचे कडेन वेवस्था सोंपोवची. राज्यांत जाता तितले बेगीन १५ दिसांचो लॉकडाऊन जाहीर करचो आनी राज्यांतले भलायकी वेवस्थेसंबंदी  ‘श्वेतपत्रिका’ जाहीर करची, असो आग्रो धरून ही मागणी राज्यांतल्या सगळ्या विरोधी आमदारांनी आज केली. विरोधी पक्षनेते दिगंबर कामत हाणी विधानभवनात आपयिल्ल्या विरोधी आमदारांच्या बसकेंत ही मागणी जाली. ह्यावेळार विरोधी आमदारांनी २१ सुचोवण्यो सरकाराक सादर केल्या.
दिगंबर कामत हांचे ध्यक्षतेखाला जाल्ले हे बसकेंत प्रतापसिंह राणे, लुइझिन फालेरो, सुदिन ढवळीकर, विजय सरदेसाय, रोहन खंवटे, जयेश साळगांवकार, विनोद पालयेकार, प्रसाद गांवकार  आदी आमदारांनी हाजेरी नोंद केली. ह्यावेळार सगळ्यांच्या संमतीन कांय सुचोवण्यो सरकाराक केल्यात.

Share

Related Articles

Leave a Reply

Your email address will not be published. Required fields are marked *

Back to top button
error: Kindly Dont Copy !!