गोंय 

कर्फ्यू 28 जून मेरेन वाडयलो

पणजी :
गोंयांतल्या कोरोना संसर्गाचेर नियंत्रण मेळोवपाक सरकारान जारी केल्ल्या राज्यव्यापी कर्फ्युंत आतां 28 जून मेरेन वाड केल्या. शॉपींग मॉलांतलीं दुकानां तशेंच नुस्तें मार्केट सकाळीं 7 ते दनपारां 3 वरां मेरेन उक्तीं दवरपाक परवानगी दिल्या. मुख्यमंत्री डॉ. प्रमोद सावंत हांणी शेनवारा सांजे सोशल मिडिया वरवीं कर्फ्युंत वाड केल्ल्याची म्हायती दिली.

गोंयांतलो कोरोना प्रसार नियंत्रणांत आयलो तरी अजून पुराय कोरोना संकश्ट टळूंक ना. ताका लागून मुख्यमंत्र्यान कर्फ्युंत वाड केल्या. आतां 28 जून मेरेन कर्फ्यू वाडयला. ह्या कर्फ्युंत शॉपींग मॉलांतलीं सगलीं दुकानां, चित्रपट हॉल, थिएटर, मल्टिप्लॅक्स तशेंच इंटरटेन्मेंट झोन सकाळीं 7 ते दनपारां 3 ह्या वेळांत उक्तीं दवरपाक मान्यताय दिल्या. गरजेच्या सेवांतलीं सगलीं दुकानां आनी रेशन दुकानांय 28 जून मेरेन सकाळीं 7 ते दनपारां 3 ह्या वेळांत सुरू उरतलीं अशें मुख्यमंत्र्यान म्हणलां.

मजगतीं, गोंयांतली कोरोना स्थिती बऱ्याच प्रमाणांत नियंत्रणांत आयल्या. ते खातीर सरकारान कर्फ्यू काडचो आनी खर निर्बंध घालून सगलींच दुकानां उक्तीं करपाक परवानगी दिवची. कोरोनाक लागून देड ते दोन म्हयन्या पसून दुकानां बंद आशिल्ल्यान ल्हान-व्हड वेवसायिकांचेर अर्थीक संकश्ट कोसळ्ळां.

Share

Related Articles

Leave a Reply

Your email address will not be published. Required fields are marked *

Back to top button
error: Kindly Dont Copy !!