पणजी :
ग्रीन झोनांतल्यान परतल्ल्या गोयांत आतां कोरोनाचो अच्छेव सुरूच आसून, आज आजून दोन नवे पॉझिटिव्ह दुयेंती सांपडल्यात. ह्या दोन नव्या दुयेंतींक लागून आतां गोंयान कोरोना दुयेंतिंचो आंकडो ५२ जाल्या. राज्यांत सध्या ४५ कोरोनाचे पॉझिटिव्ह दुयेंती आसून, ७ दुयेंती आदींच बरे जावन घरा परतल्ले आसात.
आयुषमंत्र्यां हस्तुकी रोगप्रतिकार शक्त वाडोवपी कीटाचें वितरण
राज्यांत सध्या कोरोना दुयेंतिंचो आंकडो वाडपाचें मुखेल कारण म्हणल्यार राज्या भायल्यान आयिल्ले लोक, आज पॉझिटिव्ह आयिल्ले दुयेंती लेगीत राज्या भायलेच आसात. दुसरे वटेन एसआरएल डायगॉनिस्टक लॅबांत पॉझिटिव्ह आयिल्ल्या ३ कामगारांचे रिपोर्ट जीएमसींत मात निगेटिव्ह आयल्यात. ताका लागून राज्य सरकारान एसआरएल डायगॉनिस्टकाची खाजगी रितीन कोरोना तपासणी करपाची मान्यताय आतां रद्द केल्ल्याचें भलायकी सचिवांनी सांगलां.
