पणजी :
गोंया फाटल्या दोन दिसांत कोरोना दुयेंतिंचो आंकडो 13 जाला. शेनवारा पाच नवे कोरोना दुयेंती सांपडले. हातूंतलो एकलो महाराष्ट्रांतल्या सांगली हांगाचो आसा जाल्यार दोगजाण गोंयकारच आसात पूण ते पश्चिम बंगालांत वचून आयिल्ल्यान कोरोनाग्रस्त जाल्ल्याचें स्पश्ट जालें. ह्या भायर एकलो मुळचो आग्राचो आसा.
गोंया खातीर जाय 100 कोटी : कामत
गोंय हें कोरोनामुक्त राज्य आशिल्ल्याचें सरकारान जाहीर केल्लें. चाळीस दीस गोंयां कोरोनाचो एकूय नवो दुयेंती सांपडूंक नाशिल्लो पूण फाटल्या दोन दिसांत कोरोनान गोंयकारांची न्हीद खळयली. फाटल्या सप्तकांत पयलीं सात कोरोना दुयेंती सांपडिल्ले. त्या सातांतले सजाण मुंबयच्यान आयिल्ले. ते उपरांत विदेशांतल्यान मुंबयवटयां आयिल्लो एक खलाशी कोरोना पॉझिटीव्ह सांपडला. तो गोंयकारच आसा.
