कला-साहित्य

‘डिजिटल युगांत कोंकणी साहित्य’ हाचेर परिसंवाद

पणजी :
बदलत्या काळाक धरून साहित्यांत आनी ताच्या सादरीकरणांत बदल घडत वतांत. हो बदल दरेके भाशेंतलें साहित्य कशें स्विकारता आनी तेप्रमाण भाशेंतल्या साहित्यांत बदल जातात काय कितें? आनी हे बदल त्या साहित्याचे वाचक कशे स्विकारतात ह्या आनी अशा विविध प्रश्नांचेर भासाभास कोंकणी साहित्याच्या अनुषंगाने जावपाची आसा. केंद्रीय साहित्य अकॅडेमीचे वतीन हेखातीर १७ मेक खास परिसंवादाचें आयोजन केलां.

भारताचें सांस्कृतिक खातें आनी साहित्य अकॅडेमीच्या जोड पालवान १७ मे दिसा दनपारां २ वरांचेर युट्युबार ह्या परिसंवादाचें उदघाटन साहित्यिक आनी पत्रकार ऑस्टिन प्रभू करतले. जाल्यार साहित्य अकॅडेमीचे मुंबय प्रभारी अधिकारी येवकार दितले. कार्यक्रमाचें बीजभाषण शिक्षिका आनी संघटिका फ्लोरा कास्तीलिनो करतल्यो. कार्यक्रमाचे अध्यक्ष कोंकणी सल्लागार समितिचे निमंत्रक डॉ. भूषण भावे आसतले.

sahitya academiह्या परिसंवादाचे अध्यक्ष गोवा नाट्य विद्यालयाचे प्राचार्य रामराव वाघ आसतले. जाल्यार युगांक नायक, सुशांत नायक, मेल्वीन पिंटो ह्यावेळार ‘डिजिटल युगांत कोंकणी साहित्य’ ह्या विशयाचेर आपलीं अभ्यासपूर्ण मतां मांडटले.

हो कार्यक्रम सगळ्या साहित्यप्रेमी, भाषाप्रेमीं खातर उकतो आसा आनी हांगा क्लिक करून हातूंत वांटेकार जावपाक येता.

Share

Related Articles

Leave a Reply

Your email address will not be published. Required fields are marked *

Back to top button
error: Kindly Dont Copy !!