पणजी :
गोंय राज्य फिल्म महोत्सवात अभिनयाचे दोन पुरस्कार जोडपी, एका आगळ्या वेगळ्या कथेचेर आदारित ‘दौलत’ हें कोंकणी चलचित्र सोमार, 4 मेक, दनपारा 2 वरांचेर प्रुडंट वाहिनीचेर प्रसारित जातलें.
नौदलान शिंवरलो फुलांचो पावस
नामनेचे साहित्यिक पुंडलिक नायक हांची कथा, पटकथा, संवाद आनी गीता आशिल्ल्या या चलचित्राक रघुनाथ फडते हांचे संगीत असा. दिग्दर्शन धर्मानंद वेर्णेकार, सिनेमॅटोग्राफी डॉम्निक डायस हांची असा. या चलचित्राची निर्मिती अपुरबाय चित्राखातीर ज्योती कुंकळकार हांणी केल्या. राजीव हेदे, शिल्पा बखले, केशव नाडकर्णी, उज्ज्वला कामत तारकर, श्रीधर कामत बांबोळकर, हेमा सिनारी, राजेश पेडणेकार, अनिल कुमार आनी प्रदीप नायक हांणी या चलचित्रांत अभिनय केला. या चलचित्राखातीर राजीव हेदे हांका अभिनयाचो राज्य पुरस्कार, जाल्यार राजेश पेडणेकार हांका सहाय्यक अभिनेत्याचो पुरस्कार फावो जाल्या.
