नवी दिल्ली :
देशांतलीं म्हाविद्यालयां उगडपाक ऑगस्ट म्हयनो उजवाडटलो अशी म्हायती विद्यापीठ अनुदान आयोग अर्थात UGC न दिल्या. सध्या महाविद्यलयीन शिक्षण घेवपी विद्यार्थ्यां खातीर महाविद्यालयां ऑगस्टांत सुरु जातलीं तर नव्या विद्यार्थ्यां खातीर हीं म्हाविद्यालयां १ सप्टेंबर सावन सुरु जातलीं अशें विद्यापीठ अनुदान आयोगाने स्पष्ट केलां. करोनाचो प्रादुर्भाव आडावपाक मार्चांत शाळा आनी म्हाविद्यालयां बंद केल्लीं. म्हाविद्यालयीन परीक्षा फुडें धुकलल्यात. तांच्यो तारखोय जाहीर करूंक नात. हातूंत आतां विद्यापीठ अनुदान आयोगान म्हाविद्यालयां सुरु जावपाक ऑगस्ट म्हयनो उजवाडटलो अशी म्हायती दिल्या. 2020-21 हें शिक्षणिक वर्स सुरू जावचेआदीं 1 ऑगस्ट ही तारीख दिल्या.
UGC अर्थांत विद्यापीठ अनुदान आयोगान दोन वेळापत्रकां दिल्यांत. एक 2019-20 ह्या वर्सा खातीर आसात. करोनाचो प्रादुर्भाव टाळपाक म्हाविद्यालयां बंद केल्लीं. ताका लागून ह्या वर्साचो जो पाठ्यक्रम पाठ्यक्रम पुराय जावपाचो उरला तेखातीर एक वेळापत्रक आनी नव्या शिक्षणीक वर्सा खातीर एक वेळापत्रक दिलां.
विद्यार्थी, कामगारांक घरा वचपाक जातलें; केंद्राचो निर्णय
2029-20 ह्या शिक्षणीक वर्सा खातीर पुराय जावपाचो उरला तो पाठ्यक्रम ऑनलाइन/ डिस्टन्स लर्निंग/ सोशल मीडिया/ व्हिडीओ कॉन्फरन्सिंग हांच्या माध्यमांतल्यान 31 मे 2020 मेरेन शिकोवपाक घेवन पुराय करचो अशें विद्यापीठ अनुदान आयोगान म्हणलां. तशेंच प्रोजेक्ट वर्क, इंटर्नशीप रिपोर्ट, ई लेबल्स, अभ्यासक्रम पुराय शिकोवन जावप, अंतर्गत मूल्यमापन, असाइनमेंट हें सगळें 1 जून ते 15 जून मेरेन पुराय करपाचो. ह्या उपरांत जातल्यो परीक्षा 1 जुलै ते 31 जुलै मजगतीं घेवपाक येतल्यो. तशेंच ह्या परीक्षांचे निकाल 31 जुलै 2020 दिसा जाहीर करतले.
2020-21 ह्या शिक्षणीक वर्सा खातीरची म्हाविद्यलयांखातीर नव्या विद्यार्थ्यांची प्रवेश प्रक्रिया ऑगस्ट महिन्यांत जातली. तांचें शिक्षणीक वर्स सप्टेंबर म्हयन्या सावन सुरू जातलें. जे आदले विद्यार्थी आसात तांचे खातीरचें शिक्षणीक वर्स 1 ऑगस्ट 2020 क सुरु जातलें अशेंय युजीसीन स्पष्ट केलां.
