छत्तीसगडचे माजी मुख्यमंत्री अजित जोगी हांकां आज मरण आयलें. तांकां ९ मे दिसा ऑश्पितालांत दाखल केल्ले. ते ७४ वर्सांचे आशिल्ले.
सकाळीं अजित जोगी नाश्तो करताले, ते उपरांत अचकीत तांची भलायकी इबाडली. तांकां रोकड्या रोकडे ऑश्पितालांत व्हेले. तांची भलायकी हुस्को करपा सारखी आशिल्ली. दोतोरांक तांचे स्वासनळयेंत चिंचारो शिरकल्ल्याचें मेळ्ळें. अजित जोगी हांचेर शस्त्रक्रिया करून हो चिंचारो भायर काडिल्लो. मात आज ताणीं निमाणचो स्वास घेतलो. 
आज दनपारां ३.३० च्या सुमाराक तांचे पूत अमित जोगी हाणी तांच्या मरणाचें ट्विट केलें. ”फकत म्हाकाच न्हय तर छत्तीसगडाक बापूय ना जालो. गोरेला गावांत तांचेर निमणे संस्कार करतले.”
