मडगाव :
कोंकणी भाशा मंडळ, गोंय फाटलीं कांय वर्सां कोंकणी विशय घेवन शिकिल्ल्यां खातीर सात शिश्यवृत्त्यो दितात. कोंकणी लेखक आनी कार्यकर्ते माणीकराव गावणेकार हांणी ह्यो शिश्यवृत्ती पुरस्कृत केल्यात. ज्या भुरग्यांचें मुळावें शिक्षण कोंकणींतल्यान जालां आनी जांणी पांचवी ते बारावी मेरेन कोंकणी विशय घेतला अशे गोंयच्या सगल्या वेवसायीक आनी हेर महाविद्यालयांत शिकपी विद्यार्थी, ह्या शिश्यवृर्त्यां खातीर पात्र आसतले. ह्यो शिश्यवृत्त्यो 2000 रुपयांची आसतल्यो.
अर्ज करतल्यांनी आपल्या गुणपत्रकांची प्रत स्वताची सय करून अर्जा वांगडा 30 ऑगस्ट 2020 मेरेन कोंकणी भाशा मंडळ, गोंय, शंकर भांडारी मार्ग, विद्या नगर, घोगळ, मडगांव, गोंय ह्या नाम्यार पावोवची. सातां परस चड अर्ज आयल्यार बारावेच्या गुणांचेर आदारून नांवां वेंचून काडटलीं.
अदीक म्हायती खातीर 9923442746 ह्या क्रमांकाचेर संपर्क सादचो.
