पणजी :
सध्याच्या कोविड फाटभुंयेचेर बालभवनच्या सदस्य भुरग्यां खातीर ऑनलाईन पध्दतीन सोमार ,18 मे 2020 सावन विविध वर्ग सुरू जाल्यात.
ऑनलाईन वर्गांत हार्मोनियम, तबलें, गिटार, गायन, चित्रकला, हस्तकला, मातिकाम, नाच (कथ्थक/भरतनाटय्म) नाटक, कथाकथन, व्हायोलिन, हांचो आसपाव आसा.
मजगतीं बालभवनच्या विविध भागांतल्या केंद्रांनी हार्मोनिअम, तबलें, गिटार, गायन, चित्रकला, हस्तकला, मातिकाम, नाच (कथ्थक/भरतनाटय्म) हे वर्ग सुरू करतले. बालभवन केंद्राच्या सदस्य भुरग्यांनी नावनोंदणी आनी अदीक म्हायती खातीर त्या त्या भागांतल्या केंद्रांच्या केंद्रप्रमुखां लागीं संपर्क साधचो अशें कार्यक्रम अधिकारी शशिकांत पुनाजी हाणी प्रसिध्दीपत्रका वरवीं कळयलां.
