पणजी :
आडवेळा पावसाक लागून पोरन्या गोंयच्या बसलिका ऑफ बोम जिसस चर्चीची केंद्रीय आयुष मंत्री तशेंच संरक्षण राज्यमंत्री श्रीपाद नाईक हाणी शेनवारा पळोवणी केली. चर्चीच्या दुरुस्ती कामाखातीर कामगार, सामुग्री आनी हेर मदतीचें नाईक हाणी आश्वासन दिलें. Archeological society of india (ASI) चे अधीक्षक अमरनाथ रामकृष्ण 2सप्तकांत दुरुस्तिचें काम पुराय करतले म्हणपाचें ह्यावेळार सांगलें.
गोंयान लोकडाऊन नेमांचे तीनतेरा
चर्ची फादर, आनी ASI अधिकाऱ्यांसयत नुकसानीचा पळोवणी केल्या उपरांत नाईक हाणी म्हणलें, दुरुस्तीखातीर आमी सुरवात केल्या आनी संबंधित कंत्राटदाराक एक दीस लेगीत फुकट वगडावपाक जावंचें ना. हाची जतनाय घेवपाक सांगलां. कोरोनाक लागून लागू करपाक आयिल्ल्या लोकडउन खातीर कामगार, साहित्य मेळप कठीण जालां. हो कंत्राटदार औरंगाबादाक गेल्लो आसा ताका रोकड्या रोकडो आपयला. जानेवारी 20 त हें दुरुस्तीचें काम सुरु जाल्लें, पूण कोरोनाक लागून आडमेळें आयलां. आतां 10 -12 दिसांभितर काम पुरा करपाक सांगलां.
ASI अधीक्षकांनी म्हायतीक दुजोरो दितना सांगलां, हें काम मे महिन्याभरयांत पुराय करपाचें आश्ल्लें. मात 20 तारकेक अचकीत पडिल्ल्या पावसाक लागून निकसान जालें. पावसाच्या उदकाक लागून लाकडाला वाळटी लागची न्हय हाचीय जतनाय घेतले.
