मुंबई :
मागणेचे बाबतींत चिंता कायम उरिल्ल्यान सरकारान जाहीर केल्ल्या २० लाख कोटी रुपयांच्या आर्थिक प्रोत्साहनाचेर पॅकेज शेअर बाजाराचेर परिणाम घालपाक अपेशई थरिल्ल्याचें एंजल ब्रोकिंग लिमिटेडचे मुखेल सल्लागार प्रमुख सल्लागार अमर देव सिंह हाणी सांगलें. परिणामी एस अँड पी बीएसई सेन्सेक्स आनी निफ्टी ५० निर्देशांकात निमाणच्या ट्रेडिंग सेशनांत २ प्रतिशेंची घसरण जाली.दीस फुडें वचूंक लागलो तशी, घसरण वाढत गेली. ३० शेअर सेन्सेक्सचो निर्देशांक ८८५.७२ अंक वा २.७७% नी घसरलो. तो ३१,१२२.८९ अंकाचेर बंद जालो. निफ्टी ५० चो निर्देशांक २४०.८० अंक वा २.५७% नी उणो जालो. तो ९,१४२.७५ आंकड्यांचेर बंद जालो.
अमेरिकी डॉलरचे तुळनेत रुपया ७५.५६ रुपयांचेर घसरला. हाका लागून गुंतवणूकदार आनी वेपा-यांच्या भावनांचेर परिणाम जाला. सेन्सेक्सचे ३० पैकी २३ शेअर्स आज रेड झोनांत बंद जाले. सगळ्यांत व्हडलो फटको आयटी, बँक्स, ऑटो आनी एफएमसीजी क्षेत्रांतल्या मुखेल शेअर्सांक बसलो.
थलांतरित मजुरांक दोन म्हयने फुकट धान्य
बँकिंग क्षेत्राखातीर बॅकफायर :
निफ्टी बँक इंडेक्स फाटल्या ट्रेडिंग सेशनचे तुळनेत ५६८.४५ अंक वा २.८८% चे घसरणीसयत १९०६८.५० अंकांचेर बंद जाला. सरकारी मालकेच्या पंजाब नॅशनल बँकेन ३.९२% वा १.२० रुपयांची घसरण नोंदयली. तो २९.४० रुपयांचेर बंद जालो. एचडीएफसी बँकेचो नफोय कोरोना व्हायरसचेर केल्ल्या अनपेक्षित तरतुदींक लागून अपंगूळ जाला. अशे तरेन खासगी बँकांनी सर्वोच्च भागीदारी आशिल्ल्या खासगी क्षेत्राचो बँक शेअर बाजारांत अपंगूळ पडिल्लो दिसला. तो ८९३.८५ रुपयांचेर बंद जाला. म्हणजेच ३३.८० रुपये वा ३.६४ प्रतिशेंनी सकयल आयला.
टेक सेक्टरही रेड झोनांत :
टेक महिंद्राच्या शेअरांच्या मोलांत ५.३२% वा २९.०० रुपयांची घसरण जाली. तो ५१५.७५ रुपयांचेर बंद जाला. इन्फोसिस लिमिटेड लेगीत लाल रंग दाखयत बंद जाला. फाटल्या ट्रेडिंग सेशनांत ५.१०% ची घसरण आशिल्ली. आज ज्या शेअर्सांनी बरो वेपार केला, तातूंत केमिकल आनी फर्टिलायझर्स, हेल्थकेअर सेक्टर्स लेगीत आशिल्ले.
इन्फ्रा क्षेत्रांतय मंदी कायम :
जाणी डेली चार्टांत चॅनल पॅटर्न ब्रेकआउट प्रदान केला, तातूंत अल्ट्राटेक सिमेंट लिमिटेडचो आसपाव आसा. आयच्या घसरिल्त्या ट्रेडिंग सेशनांत हो स्टॉक थिराय दिवपाक यशस्वी ठरला. ट्रेडिंग सेशनचे सुरवेक ३,४९१.०० रुपयां सयत सकयलो थर गांठला आनी उपरांत ४३.३० रुपये वा १.२२% चे वृद्धी सयत ३,५९०.०० रुपयांचेर बंद जाला. जेके सिमेंट आयच्या सगळ्यांत व्हडले घसरणी सयत १,०७४ रुपयांचेर बंद जाला. हाणे शेअरांत ५.३०%ची घसरण दाखयली.
