‘परिक्रमा 0.6’ खातीर कार्यकारी समिती जाहिर

2024 वर्सा जानेवारीच्या 20 आनी 21 तारखेर परिक्रमा नॉलेज टर्मीनस परिक्रमा 0.6 हें अभियान आयोजीत करता. ते खातीर संस्थेन कार्यकारी समिती जाहीर केल्या.

ह्या समितीचें महासचीव पदाचेर सुविदा नायक हांची निवड जाल्या. भारतनाट्यम ह्या शास्त्रीय नृत्याच्यो त्यो शिक्षीका आनी अभ्यासक. परिक्रमाच्या स्थापने पासून ताणी रचनात्मक आनी संघटनात्मक वावरांत भरीव योगदान दिलां. फाटलीं साबार वर्सां परिक्रमांत त्यो कार्यवळ संचालक म्हूण काम करतात. अंत्रुज घुडयो ह्या संस्थेच्यो त्यो सद्याच्यो अध्यक्ष आसात. तेच बरोबर समाज वावूरपी आनी नाट्य कलाकार गुरूदास येसू नायक हांची कार्यावळ संचालक म्हण नेमणूक जाल्या. परिक्रमाच्या साबार उपक्रमांनी ते सक्रीय आसाता.

तशेंच परिक्रमा नॉलेज टर्मीनस 0.6 पयलीं जानेवारीच्या 6 आनी 7 तारखेर राजीव गांधी कला मंदीराच्या जोड पालवान एकाडॅमीक फोरम आयोजीत करता. ते खातीर तेजस रिवणकार हांची फोरम सचीव पदाचेर नेमणूक जाल्या. गोंय अभियांत्रीकी महाविद्यालयांतल्यान तेजस परिक्रमाच्या कार्यावळींनी सर्तक म्हण वांटेकार जातले. विनीत कुंडयकार हांची निवड संधटन सचीव पदाचेर जाल्या. परिक्रमाच्या आयोजनांत ताणीं साबार थरांचेर वावर केला.

26 नोव्हेंबर दिसा फोंडे हांगा जाल्या परिक्रमा नॉलेज टर्मिनसाच्या साबार मंडळाचे बसकेंत ही निवड जाहीर जाली.