पणजी :
राज्यांत कोरोना दियेंतिंचो आंकडो उणोच जायना हें शेनवाराक चड स्पश्ट जालें. ६० नव्या कोरोना पिडेस्त व्यक्ती शेनवारा मेळ्ळयो आनी ताका लागून वट्ट आंकडो ४५४ जालो. हळदोणा, नास्नोडा (बार्देश), मेरशी, आगरवाडा चोपडे अशा पंचायत वाठारांतल्या लोकांनी आनी पंचायतीनीच मेळून आपल्या बळाचेर कांय दिसांचो लॉकडाऊन करचाचो थारायला.
राज्यांतल्या कोरोना दुयेंतिंच्या आंकड्यांचो वाडत चसतलो वेग पळयल्यार येता त्या दोन दिसांत कोरोना पिडेस्तांचो आंकडो पाचशें मेरेन पावपाक शकता. हाका लागून चडान चड कोविड काळजी केंद्रां राज्यांत सुरू करपा खातीर सरकारी यंत्रणोची धांवपळ सुरू आसा. आरोग्य सचिव नीला मोहनन हाणी कुडचडें- केपें सुवातिंनीय शेनवाराक भेट दिली. थंय एक तिथे एक कोविड काळजी केंद्र आसतलें. कोलव्यां आनी पणजेंतय आसतलें. ज्या कोरोना पिडीत व्यक्तींक उपचारांची गरज आसा, अशाच व्यक्तींक मडगांवच्या कोविड ऑश्पितालांत दवरतात. हेर पॉझिटिव्ह व्यक्तींक कोविड काळजी केंद्रांत जवरतात.
‘गोंय-महाराष्ट्र शीम सील कराची’
शुक्रारा 46 कोरोना पिडेस्त व्यक्ती मोळिल्ल्यो. तातूंत मांगोरहीला कडेन संबंधित व्यक्तींचो आंकडो 39 आशिल्लो. शेनवारा जे 60 नवे दुयेंती मेळ्ळे तातूंत मांगोरहीला कडेन संबंधित दुयेंतिंचो आंकडो 26 आसा. सत्तरी, बार्देश, तिसवाडी अशा तालुक्यांनी जे कोविद पिडेस्त मेळटात तांचो संबंध मांगोरहीला कडेन संबंध आश्ल्लया दुयेंतीं कडेन आयिल्लो. ताळगावांत सगळ्या शंभरां परस चड व्यक्तिंची चांचणी निगेटीव आयली. मांगोरहीलाच्या कंटेनमेन्ट झोनांत सध्या वेंचीक व्यक्तिंच्योच चांचण्यो जातात. जाणटे नागरिक, गुरवार बायलो, भुरग्यांच्यो तशेंच काळजाचें दुयेंस आनी हेर असलीं दुयेंसां आशिल्ल्या व्यक्तींच्यो चांचण्या करतात. तरीय थंय 26 दुयेती शेनवाराक मेळ्ळे.
चिंबलाक कंटेनमेन्ट झोन करतले काय कितें अशें पत्रकार परिशदेंत भलायकी सचिव निला मोहनन हांकां विचारलें तेन्ना ताणीं म्हणलें, आमी चिंबलाचे स्थितिचेर बारीक लक्ष दवरून आसात. एखादो भाग कंटेनमेन्ट झोन म्हणून जाहीर करपा खातीर वैजकी नदरेन कांय निकश लावचे पडटात.दुयेंतिंचो कितलो आंकडो आसा हेंवूय पळयतात. चिंबला शेनवारा नवे दोन दुयेंती मेळ्ळे आनी ताका लागून थंयचो वट्ट आंकडो 11 जालो. आजून थंय कसो ट्रेण्ड आसा हें पळयतात. योग्य वेळार निर्णय घेतले.
