नवी दिल्ली :
देश कोविड -19 महामारीआड झूज दिता आसतना ह्या म्हत्वाच्या काळांत संकश्टांत सांपडिल्ल्ल्यांक थाकाय दिवपा खातीर भारतीय रेल्वेन कसलीच उणीव दवरूंक ना. परप्रांतीयांक तांच्या राज्यांत परपत वचपाक मेळचें म्हण रेल्वे मंत्रालयान राज्य सरकाराचे गरजे प्रमाण फुडल्या धा दिसांत आनीक आणखी 2600 श्रमिक शाक गाडयो चलोवपाचो व्हडलो निर्णय घेतला. ह्या निर्णयाचो फायदो शिरकल्ल्या सुमारेक 36 लाख स्थलांतरितांक जावपाची अपेक्षा आसा.
आयुषमंत्र्यां हस्तुकी रोगप्रतिकार शक्त वाडोवपी कीटाचें वितरण
हें लक्षांत घेवपाक जाय लॉकडाऊनाक लागून विविध सुवातिंनी शिरकल्ल्या प्रवासी कामगार, भोंवडेकार, पर्यटक, विद्यार्थी आनी हेर व्यक्तींक सोडोवपा खातीर भारतीय रेल्वेन 01 मे 2020 सावन श्रमिक खास गाडयो चलोवपाक सुरुवात केली. अशा शिरकल्ल्या लोकांक परत धाडपाक प्रमाणित नेमावळी प्रमाण संबंधित दोनूय राज्य सरकारंच्या विनवणे प्रमाण ह्यो खास गाडयो त्या विश्श्ट ठिकाणां मजगतीं धांवतात. ह्या श्रमिक खास गाडयांच्या समन्वय आनी सुरळीत परिचालना खातीर रेल्वे आनी राज्य सरकारांनी नोडल अधिकारी म्हणून वरिष्ठ अधिकाऱ्यांची नेमणूक केल्ली आसा.
फाटल्या 23 दिसांत भारतीय रेल्वेन 2600 श्रमिक खास गाडयो चलयल्यात. आत्ता मेरेन सुमारेक 36 लाख शिरकल्ल्या स्थलांतरितांक तांच्या राज्यांत पावयल्यात. हें लक्षांत घेतवपाक जाय, श्रमिक खास गाडयां वांगडाच रेल्वे मंत्रालयान 12.05.2020 सावन खास गाड्यांच्या 15 जोड्यो सुरू केल्यात आनी आणि 01 जून 2020 सावन 200 रेल्वे सेवा सुरू करपाची घोशणा केल्या
