नवी दिल्ली :
विज्ञान आनी तंत्रज्ञान विभागाच्या अंतर्गत स्वायत्तपणान कार्यरत आशिल्ल्या बंगळूरू हांगाच्या ‘सेंटर फॉर नॅनो अँड सॉफ्ट मॅटर सायन्स’ (सीईएनएस) हे संशोधन संस्थेन कोपाच्या आकारांत मास्काचो डिझाईन विकसित केला. ह्या डिझाईनाचें बुध्दीक आपणाकजेन घेवपा खातीर अर्ज दाखल केला. ह्या नव्या डिझाईनाच्या मास्काक लागून उलयतना तोंडाच्या फुडले वडेन फाव तशी सुवात मेळटा. नव्या डिझाईनाच्या मास्काचें व्हडा प्रमाणात उत्पादन करपा खातीर बंगळूरूस्थित एके कंपनी कडेन हें काम सोपयलां.
तोंडाचेर सारकेंनीट बसतल्या ह्या मास्काक लागून व्यक्ती कितें उलयता तें व्यवस्थीत समजुपाक जातलें. तशेंच वक्लाचेर वाफ तयार जावची ना. तेभायर स्वास सहजतायेन घेवपाक जातलो. तशेंच ऊस्वास भायर पडपाची शक्यताय ना. जर एखादे व्यक्तीक स्वासोस्वासाची कितेंय अडचण जाता आसली तरीय ताकाकसलेच तरेन अस्वस्थ जावचें ना. ताका लागून असलें मास्क वापरप सगळ्यांकूच सुशेग दिवपी थरकलें. खूब काळ एखादें मास्क वापरतकूच ताचेर किटाणूंची निर्मिती जाता, हें लक्षांत घेवन त्या किटाणूंक निष्क्रिय करपाचीय सोय करपाक आयल्या. तशेंच मास्का खातीर ज्या कापड्याचो वापर केला ताका त्रिकोणी आकार दिल्ल्यान सामक्या ल्हवपीक प्रमाणात घर्षण जाता. मास्काच्यो आनीक प्रगत चाचण्यो घेवपाचें काम सुरू आसा.
गोंयान वलांडलो ‘कोरोना’ अर्दशेंकडो
भारत आनी हेर देशांतय कोविड-19 चो प्रसार वेगान जायत आसा. ताका लागून सामान्य जनतेकय मास्क वापरण्याचो सल्लो दिला. भलायकेच्या मळार कार्यरत आसतल्या मंडळी खातीर उच्च तांत्रिक गुणवत्ता अशिल्ले वैजकी मास्क वापरूंक शकतात. हेंच मास्क सामान्य मंडळींनी वापरचे परस मध्यम फिल्टरिंगची वेवस्था आशिल्लें मास्क वापरल्यार पुरो. वैजकी मास्क सगळ्यांनीच वापरपाची गरज ना. मात सलग बरींच वरां जर मास्क वापरपाचें आसत जाल्यार तें चड सुशेग दिवपी आसप गरजेचें आसा. नाजाल्यार लोकांक मास्क वापरप त्रासदायक दिसतलें, हें लक्षांत घेवन ‘सीएनएस’ने सुशेग दिवपी मास्कां तयार केल्यांत.
‘सीईएनएस’न ह्या मास्काचें तंत्रज्ञान कॅमलिया क्लोदिंग लिमिटेड ह्या बंगळूरूस्थित कंपनीक हस्तांतरीत केलां. सुमारेक दोन दसकांपयलीं ही कंपनी स्थापन जाल्या. हे कंपनीचे वतीन दर दिसा लागीं लागीं एक लाख मास्कां निर्माण करतात. तशेंच वेगवेगळ्या वितरण सांखळच्या माध्यमांतल्यान पुराय देशभर हें मास्क पावोवपाची कंपनीची इत्सा आसा.
