गोंय देश विदेश

मुख्यमंत्री- पंतप्रधान हांच्यांत गोंयचे स्थिती विशीं चर्चा

पणजी : 
मंगळारा रातीं पंतप्रधान नरेंद्र मोदी आनी मुख्यमंत्री प्रमोद सावंत हांचेमदीं फोनावयल्यान  चर्चा जाली. हायावेळार पंतप्रधानांनी गोंयचे  स्थितीचो आढावो घेतला अशा म्हायती मुख्यमंत्री डॉक्टर सावंत हाणीं दिल्या. ह्यावेळार ऑक्सिजन, बेड्सांची सुविधा हया वांगडाच  कोविड मॅनेजमेन्ट बाबतींत कांय उपाय येवजण्यो केल्यात, हाची म्हायती मुख्यमंत्र्यांनी पंतप्रधान नरेंद्र मोदी हांकां दिली.
पंतप्रधानांनी फोना वयल्यान संपर्क साधीत मुख्यमंत्र्यांकडल्यान गोंयचे स्थितीचो एकूण आढावो घेतलो. मुख्यमंत्री आनी पंतप्रधान नरेंद्र मोदी हांचे भितर जाल्ले चर्चे मजगतीं ऑक्सिजनबाबतींत म्हत्त्वाचे निर्देश दिल्यात. ऑक्सिजनचो उणाव भासचो न्ही हेखातीर मुख्यमंत्री प्रमोद सावंत हाणी म्हत्त्वाच्या निर्देशांचें पालन करीत हेगीनच ऑडिट जातलें अशें म्हणलां. ते पत्रकारांलागीं उलयताले. ऑक्सिजनची मागणी येता त्या काळांत वाडण्याची शक्यताय आसा. ते फाटभुंयेचेर सगळे तरेच्यो  यंत्रणा कामक लावन काम करपाचे यत्न सुरू आशिल्ल्याचेंय  मुख्यमंत्र्यांनी ह्यावेळार म्हणलां.
मजगतीं, लसीकरणाक बेगीनच सुरवात जातली, असो विश्वासय ह्यावेळार उकतायलो. मजगतीं, मुख्यमंत्री डॉ. प्रमोद सावंत हाणी बांबेळ्च्या सुपरस्पेशालिटी ब्लॉकाची पळोवणी केली. फुडल्या तीन दिसांत  १२० ऑक्सिजन कॉन्सन्ट्रेटर बसयतले म्हणपाची म्हायती ताणी ह्यावेळार दिली. सरकाराकडल्यान वेवस्थित कोविड नियोजन सुरु आसा आनी फुडल्या धा दिसांत मरणाचो दर उणो जावपाचो विश्वासय मुख्यमंत्र्यांनी उकतायला.

Share

Related Articles

Leave a Reply

Your email address will not be published. Required fields are marked *

Back to top button
error: Kindly Dont Copy !!