आयच्यो खबरोखबरोगोंयसाहित्य - संस्कृती

‘नयनतारा आनी हेरकथा’चें १५ वेर विमोचन

पणजी, दि. ११ (प्रतिनिधी) :
साहित्य अकादमी पुरस्कारप्राप्त नावाजत्यो कोंकणी साहित्यिका हेमा नायक हांच्या ‘नयनतारा आनी हेर कथा’ ह्या अस्तुरीच्या जगपाचो वेध घेवपी विशेष कथासंग्रहाचें लोकार्पण १५ दिसा जाता. पणजेच्या संस्कृती भवनाच्या बहुउद्देशीय सभाघरांत सांजवेळा ४.३० वरांचेर अपुरबाय प्रकाशनच्या वतीन ह्या पुस्तकाचें विमोचन जाता.
ह्या वेळार शिक्षिका आनी सामाजीक कार्यकर्त्या सुलक्षणा सावंत प्रमुख अतिथी म्हण उपस्थीत आसतल्यो. जाल्यार शिरोडा मतदारसंघाचे आमदार आनी शिवग्राम संस्थेचे अध्यक्ष सुभाष शिरोडकार खास निमंत्रीत आसतले. लेखक आनी शिक्षक नारायण महाले पुस्तकाचे आपलें उलोवप करतले. हेमा नायक हांच्या ह्या संग्रहात एकूण स दीर्घकथांचो आसपाव आसून, नाटककार आनी प्रा. प्रकाश वजरीकार हांच्या नेटक्या प्रस्तावनेंतल्यान तांचेर टिप्पणी आसा. जाल्यार चित्रकार हर्षदा केरकार हांचें सोबीत मुखचित्र पुस्तकाक लाभलां.
अपुरबाय प्रकाशनेचें हें १०४वें पुस्तक आसून आयजवेर अपुरबायच्या पाच पुस्तकांक केंद्रीय साहित्य अकादेमीचे पुरस्कार लाभल्यात. तेचप्रमाण सात पुस्तकांक गोवा कला अकादमीचे साहित्य पुरस्कार मेळ्ळ्यात. फेडरेशन ऑफ इंडियन पब्लिशर, नवी दिल्लीचो उत्कृष्ट प्रकाशनेचो पुरस्कार लाभला. प्रकाशनच्या ‘चित्रंगी’ ह्या विशेषांकाक कथा जर्नल पुरस्कारही मेळ्ळा, ‘नयनतारा आनी हेर कथा’ लेगीत हे परंपरेंत सोबपी पुस्तक आशिल्ल्याचें सांगत ह्या लोकार्पण सुवाळ्याक साहित्य रसिकांनी मुजरत हाजीर रावचें अशें आवाहन प्रकाशनाचे वतीन केलां.

Share
Show More

Related Articles

Leave a Reply

Your e-mail address will not be published. Required fields are marked *

Back to top button
error: Content is protected !!
Close