आयच्यो खबरोकॅम्पस खबरोखबरोगोंयविचारविज्ञान-तंत्रज्ञानसाहित्य - संस्कृतीहायलाइट

5 सावन राज्यांत गिन्यानमहोत्सव

० अकेडिमीक फोरमची तिसरी आवृत्ती

पणजी (प्रतिनिधी) :
फाटल्या दोन वर्सां सावन राज्यांतल्या विचारी, वेवेकी आनी अभ्यासू तरनाट्यांक सक्रिय मार्गदर्शन करपी परिक्रमा नॉलेज टर्मिनस आयोजित अकॅडमिक फोरम ची तिसरी आवृत्ती 5 आनी 6 ऑक्टोंबराक फोंड्यां सादर जाता. पद्म पुरस्कारान भोवमानीत जगप्रसिध्द गोंयकार फॅशन डिझाइनर वेंडेल रॉड्रिक्स ह्यावेळार बीजभाशण करतले.
फोंडेंच्या राजीव गांधी कला मंदिरांत आयोजित जातल्या ॲकेडमीक फोरमचें उकतावण मानेस्तांचे हस्तुकीं सकाळीं 10 वरांचेर जातलें. ते उपरांत पयल्या सत्रांत जगभान उकतावपाच्या सोदांत ह्या चर्चासत्रांत लेखक रोहन गोवेकर, रेडिओ जॉकी उदय च्यारी, एस. एस. डेंपो महाविद्यालयाच्यो सहयोगी प्राध्यापिका स्मिता भंडारे कामत हे विशय मांडटले. जाल्यार खांडोळा सरकारी महाविद्यालयाच्यो सहयोगी प्राध्यापिका डॉ. सीमा साळगांवकर अध्यक्षसुवातीर आसतल्यो. ते उपरांत संशोधनपर लेखन : गरज आनी संदर्भ ह्या विशयावयल्या परिसंवादात तत्वगिन्यानाचे अभ्यासक प्रा. कोशी थारकम, पर्यावरणमोगी आनी लेखक राजेंद्र केरकर, जाल्यार नामनेचे साहित्यिक दामोदर मावजो ह्यावेळार अध्यक्ष आसतले.
जेवणा उपरांत जातल्या सत्रांत गोंय विद्यापीठाच्या राज्यशास्त्र विभाग मुखेली प्रा. राहुल त्रिपाठी, कवी आनी सरकारी महाविद्यालय केपेंचे कोंकणी विभाग मुखेली, प्रा. ऱाजय पवार, विद्याप्रबोधिनी कॉलेज ऑफ एज्युकेशनचे असिस्टंट प्रा. कुलदीप कामत, विनोदवीर साईदत्त कामत हे उपहासकर्त्यांनी एकठांय येवपाची गरज विशयाचेर उलयतले. जेष्ठ पत्रकार संदेश प्रभुदेसाई अध्यक्ष सुवातीर आसतले.
पयल्या दिसाचो समारोप अत्यंत म्हत्त्वाच्या विशयाचेर जावपाचो आसून, माजी खासदार नरेंद्र सावयकार, साळगांवकार विधी महाविद्यालयाच्यो सह प्राध्यापक शिल्पा सिंह, राजकीय कार्यकर्ते आनी अर्थशास्त्री रुपेश शिंक्रे आदी मानेस्त राज्याचे राजकीय अर्थकारण मांडपाचे आसात. ह्या परिसंवादाचें संयोजन अर्थनिपूण अमेय कामत करतले.
दुसऱ्या दिसा, ६ वेर सकाळीं १० सावनच विविध विशयांचेर अभ्यास व्याख्यानमाला आयोजित केल्या. हातूंत सोद गोंयचो : भूंय आनी मनशां ह्या विशयाचेर प्रा. पीटर डिसोझा, भारतीय शास्त्रीय संगीतांतलो सांडिल्लो दुवो ह्या विशयाचेर जेष्ठ गायिका शकुंतला भरणे, शेतीचें विज्ञान आनी संस्कृती विशयाचेर चैतन्य मळीक, सौंदर्यशास्त्राचें राजकारण : लोककला आनी शास्त्रीय परिपेक्षांतल्यान विषशयाचेर सचिका अल्मेडा, निर्बुद्धपणांतलो समंजपणा विशयाचेर रंगकर्मी राजदीप नायक, गोवा पुरातत्त्व आनी अर्थशास्त्र विशयाचेर सावनी शेट्ये आनी गोंयची नवनिर्मिती : आर्थिक ताळेबंद विशयाचेर डॉ. मनोज कामत संवाद सादतले.
ही कार्यावळ दोनूय दिसा सगळ्यां खातीर उक्ती आसून राज्यांतल्या अभ्यासू, जिज्ञासू आनी विचारी जणांनी हाचो अवश्य लाभ घेवचो, अशें आवाहन परिक्रमाचे वतीन केलां.

Share
Show More

Related Articles

Leave a Reply

Your e-mail address will not be published. Required fields are marked *

Back to top button
error: Content is protected !!
Close