आयच्यो खबरोखबरोगोंयफीचरसाहित्य - संस्कृतीहायलाइट

कोंकणी भाशा मंडळाचे ३० वेर पुरस्कार वितरण

पणजी (प्रतिनिधी) :

कोंकणी चळवळींतली अग्रणी संस्था आशिल्ल्या कोंकणी भाशा मंडळाचो ३० सप्टेंबराक ५७ वो वर्सुकी दीस मनोवपाचो आसा. मडगांवच्या रविंद्र भवनातल्या पाय तियात्रिस्त सभाघरांत ३० वेर सांजवेळा ४:१५ वरांचेर हे कार्यावळिचें आयोजन थारायलां. ह्यावेळार ज्येष्ठ साहित्यिक आनी भाशा चळवळीचे नेते ॲड. उदय भेंब्रे हांची मुखेल उपस्थिती आसतली. समीक्षक किरण बुडकुले, राज्य उद्देगीक संघटनेचे अध्यक्ष दामोदर कोचकार, गुलाब म्हयन्याळाचे संपादक फावुस्त डिकोस्ता, केंद्रीय ग्रंथालयाचे क्युरेटर कार्लुस फर्नांडिस, उद्देजक प्रवीण काकोडे हांची मुखेल उपस्थिती आसतली अशें संस्थेचे अध्यक्ष चेतन आचार्य हाणी सांगलें.

ह्या वेळार संस्थेचे वतीन दितात त्या विवीध पुरस्कारांचे वितरण जातलें हातूंत कोंकणी सेवा पुरस्कार गुरुनाथ केळकार हांकां भेटयतले. तेचप्रमाण अँथनी वाज हांकां कार्यकर्ता पुरस्कार. मार्कुस गोंसालवीस हांकां पत्रकारिता पुरस्कार, जाल्यार शिक्षक पुरस्कार डॉ. भूषण भावे हांकां ह्यावेळआर भेटयतले. तेचप्रमाण ह्यावेळार कोंकणीतल्या विविध साहित्यप्रकारा खातीर पुरस्कार दितले तातूंत राधा भावे (जिवाचो पतंग), रुपा कोसंबे (पल्लू), महेश नायक (ओस्सय कार्नेवल), सुमेधा कामत देसाई (सुमीचे कॉटन ग्रीन), संदेश बांदेकर (अनवाणी), अभयकुमार वेलिंगकर (स्तंभलेखन) सखाराम शेणवी बोरकर (संशोधनात्मक पपत्र लेखन) हांकां मानेस्तांचे हस्तुकीं भोवमानीत करतले.

ही कार्यावळ सगळ्या रसिकां खातीर उकती आसून राज्यांतल्या समस्त कोंकणी मोगींनी कार्यावळीक मुजरत हाजीर रावचें अशें आवाहन चेतन आचार्य हाणी केलां.

Share
Show More

Related Articles

Leave a Reply

Your e-mail address will not be published. Required fields are marked *

Back to top button
error: Content is protected !!
Close