आयच्यो खबरोखबरोदेश-विदेशफीचरमनरिजवण - खेळसाहित्य - संस्कृतीहायलाइट

नामनेचे संगीतकार खय्याम अंतरले

मुंबय :
नामनेचे संगीत दिग्दर्शक मोहम्मद जहूर खय्याम हांकां पिरायेच्या 92 व्या वर्सा सोमाराक मरण आयलें. 1953 ते 1990 ह्या कालावधींत ताणी जायत्या चलचित्रांक संगीत दिलें. खूब वर्सां सावन ते फुफ्फुसाच्या दुयेंसान खचिल्ले. इतले मजगतीं भलायकी इबाडिल्ल्यान तांकां रोकड्या रोकडे जुहूच्या सुजॉय ऑश्पितालांत हालयले. तांचेर अतिदक्षता विभागांत उपचार सुरु आशिल्ले. मात मागीर तांची प्राणजोत पालवली.
1947 त फिल्मी करिअर सुरु करतल्या खय्याम हाणी कितल्याशाच गीतांक संगीत दिलें. पूण तांरां खरी वळख मेळ्ळी ती 1958 त प्रदर्शित जाल्ल्या ‘फिर सुबह होगी’ ह्या चलचित्रान. खय्याम हाणी संगीतबद्ध केल्लीं ह्या चित्रपटाचीं गीतां आकांताचीं लोकप्रिय जाल्लीं. कभी कभी, उमराव जान, फिर सुबह होगी अशा सुपरडुपर हिट चलचित्रांक ताणी संगीत दिलें. कभी कभी आनी उमराव जान ह्या दोन चलचित्रां खातीर तांकां फिल्मफेअर पुरस्कारान भोवमानीत केल्ले.

Share
Show More

Related Articles

Leave a Reply

Your e-mail address will not be published. Required fields are marked *

Back to top button
error: Content is protected !!
Close