आयच्यो खबरोखबरोदेश-विदेशफीचरराजकारणहायलाइट

माजी परराष्ट्र मंत्री सुषमा स्वराज अंतरल्यो

नवी दिल्ली :
भारताच्यो आदल्या परराष्ट्र मंत्री सुषमा स्वराज हांकां मंगळारा रातच्या उसरां काळजाच्या आताकान मरण आयलें. दिल्लीच्या एम्स रुग्णालयांत तांकां दाखल केल्ल्यो, एम्स रुग्णालयांतल्या वरिष्ठ दोतोरांचें पथक तांचेर उपचार करतालें. मात्र सुषमा स्वराज हांचो उपचाराक प्रतिसाद मेळ्ळो ना, आनी अखेरेक तांची प्राणजोत पालवली. त्यो ६७ वर्सांच्यो आशिल्ल्यो.
नरेंद्र मोदी सरकाराच्या पयल्या कार्यकाळांत सुषमा स्वराज हाणी ५ वर्सां यशस्वीपणान केंद्रीय परराष्ट्र मंत्री म्हणून काम पळयलें. कितल्याशाच म्हत्वाच्या मुद्द्यांचेर सुषमा स्वराज हाणी भारताची बाजू मांडली. संयुक्त राष्ट्रांत पाकिस्तानाक दहशतवादाच्या मुद्द्यावयल्यान आयकूंक दिल्लीं खर उतरां आसूं वा सोशल मीडियावयल्यान भारतीय नागरिकांक केल्ली मदत आसूं. सुषमा स्वराज हाणी एक आदर्श मंत्री म्हणून आपली प्रतिमा तयार केल्ली. सुषमा स्वराज हांच्या मरणाक लागून सगळ्याच राजकी पक्षांच्या फुडाऱ्यांनी दुख्ख उकतायलां.

Share
Show More

Related Articles

Leave a Reply

Your e-mail address will not be published. Required fields are marked *

Back to top button
error: Content is protected !!
Close