आयच्यो खबरोखबरोगोंयफीचरराजकारणवेपारहायलाइट

‘संजिवनी साखर कारखानो नुकसानेंतूच !’

पणजी :
संजिवनी साखर कारखानो आजून नुकसानेत चलता आनी वर्सावळेक 8 ते 9 कोटी जाल्यार आतां मेरेन 101 कोटी रुपये नुकसान सोसचें लागिल्ल्याचें सहकार मंत्री गोविंद गावडे हाणी विधानसभेंत दिल्या.
काँग्रेसचे आमदार प्रतापसिंग राणे हाणी हो मुद्दो उपस्थित केल्लो. गोयांत एकमेव साखर कारखानो आशिल्लो संजिवनी कारखानो हाची सद्यस्थिती विचारतना ताणी हो कारखानो फायद्यांत चलला काय नुकसानेंत चलला एसो प्‌रश्न केलो. ताचेर गोविंद गावडे हाणी आंकडे दितना हो कारखानो नुकसानेत चलिल्ल्याचें सांगलें. ताचेर एकूण तूट ही कारखान्याच्या खर्चापरस चड आशिल्ल्याचें सांगतकच सभाघरांत हांसो उसळ्ळो. एकूण नुकसान हें 101 कोटी रुपये आशिल्ल्याचें मंत्र्यांनी सांगिल्लें.
उसाची लागवड उणी आशिल्ल्यान कारखान्याची अवतिकाय अशी जाल्ल्याचें मंत्र्यांनी सांगलें. ताचेर हेर राज्यांतलयान गोयां ऊस हाडपाची शक्यताय तपासून पळोवपाची सुचोवणूक केली. ती सूचोवणूक विचारांत घेतनाच ऊसाचें उत्पादन वाडोवपा खातीर उपाय येवजण आनी हेर कांय शक्यताय तपासतले म्हणपाचें मंत्र्यांनी सांगलें. ताचेर अभ्यास करपा खातीर सल्लागारय नेमपाची प्रक्रिया सुरू आशिल्ल्याचें ताणी म्हणलें.

Share
Show More

Related Articles

Leave a Reply

Your e-mail address will not be published. Required fields are marked *

Back to top button
error: Content is protected !!
Close