आयच्यो खबरोगोंयफीचरराजकारणहायलाइट

गिरीश चोडणकर जातले काँग्रेस प्रदेश अध्यक्ष ?

पणजी (प्रतिनिधी) :

गोंय प्रदेश काँग्रेस समितीचे अध्यक्ष म्हणून गिरीश चोडणकर हांकां संद मेळपाची दाट शक्यताय आसा. सध्या चोडणकर हांचे खातीर पक्षाचे केंद्रीय निरीक्षक चेल्लाकुमार हेवूय चत्न करतात. ताका लागून कांय आमदारांचो आक्षेप आसलो तरी, राहुल गांधी हे चोडणकरांच्याच नांवाक मान्यताय दितले अशे तरेची वदंता काँग्रेसच्या वतुर्ळांत चलल्या.
मजगतीं, काँग्रेसचे आमदार आलेक्स रेजिनाल्ड हाणीं लेगीत प्रदेशाध्यक्षपदा खातीर लॉबिंग सुरु केल्लें आसा. पूण पक्ष संघटना चोडणकर हांचे कडेन प्रदेशाध्यक्षपद सोंपोवपाचे वटेन आसा पूण कांय आमदार तेखातीर तयार नाशिल्ल्याचें समजता. पक्षाचे निरीक्षक चेल्लाकुमार गोयांत आयिल्ले आसात आनी तांच्या बसका सुरू आसात. काँग्रेसच्याप्रदेशाध्यक्षपदाचेर येवपी फुडारी हो भाजपा प्रणीत आघाडी सरकारा आड आक्रमक भूमिका घेवपी आसचो, अशें राहुल गांधींक अपेक्षित आसा म्हणपाचें चेल्लाकुमार हाणीं काँग्रेसीच्या कांय आमदारांक सांगिल्लें आसा. पणजे पोटवेंचणुकेंत  गिरीश चोडणकार हाणीं मनोहर पर्रीकार हांचे आड बरीच झूज दिल्ली. ताका लागून शांताराम नाईक हाणी राजनामो दिल्ल्यान रिकाम्या जाल्ल्या प्रदेश अध्यक्षपदाचेर तरण्या, अभ्यासू आनी आक्रमक गिरीश चोडणकारांच्या नांवाचेर शाप बसपाची शक्यताय वाडल्या.

Share
Tags
Show More

Related Articles

Leave a Reply

Your e-mail address will not be published. Required fields are marked *

Back to top button
error: Content is protected !!
Close